Taian Areru 145:15 - Te B'aib'ara

¹⁵ A bane baika maiu n taraiko ma te mata ni kakantaninga, Ao Ko anganiia kanaia n te tai ae riai.

Taian Areru 145:15 ပူးပေါင်းရင်းမြစ်များ

Karikani B'aai 1:30

Ao I a tia naba n anga taian aroka aika mawaawa b'a kanaia maan aika kawakawa aika korakora i aon te aba ma mannikiba ni kabane i aan nang, ma maan ni kabane ake iai te ikeike ni maiu i rouia.” Ao e koro bukin are E taekinna.

Taian Areru 104:21

A bekorara raian ataei n aia tai ni kaae konaia: A ukoukori kanaia ake E katauraoi te Atua i bukiia.

Taian Areru 104:27

A bane ni kaantaningaiko b'a Ko na angania kanaia n te tai are a kainanoia.

Taian Areru 136:25

E angania b'aai aika maiu ni kabaneia kanaia; b'a akea tokin ana Tangira.

Taian Areru 145:9

E raoiroi te UEA ao E nanoanga nakoia aomata ma b'aai ni kabane aika E kariki.

Ioera 2:22

ao maan aika a aki manana b'a a na katoka maakuia. A manga mawaawa aaba n uteute; a onrake n taiani uaa kainam'arake ma taian biiku. A onrake taian aroka aika kureebe n taiani kureebe,

Mataio 6:26

Kam na tarai mannikiba, ngkai a aki ununiki, ao a aki boboti uaa ngkana a tai, ao a aki uraki nakoni nnen am'arake; ma E kakaam'arakeia Tamami are i karawa. Tiaki kam kakawaki riki nako ia?

Ruka 12:24

Kam na iangoi aroia reeben: a aki ununiki ao aki boboti uaa ngkana a tai; akea naba teutana aia titoa ni b'ai, ma E kakam'arakeia te Atua. Ai m'aitira kakawakimi nakoia mannikiba!

M'akuri 17:25

Ao bon akea te b'ai ae a karaoia aomata i bukina b'a akea te b'ai ae E kainanoia, ngkai boni Ngaia ae anga te maiu, te ikeike, ma b'aai ni kabane nakoia aomata ni kabaneia;