Taian Areru 144:4 - Te B'aib'ara

⁴ Ai aron te ike ae ti te ikena ngaia; Ao ana bong ai aron te nu ae roko n nako.

Taian Areru 144:4 ပူးပေါင်းရင်းမြစ်များ

2.Tamuera 14:14

Ti na bane ni mate ma ni mauna nako kaanga te ran ae e kab'aroaki i aon te tano. Ma E aki anai maiura te Atua, ma n onea mwiin anne, E a manga bon karekea te kawai are ti na manga oki iai ngkana ti biri nako.

1.Rongorongo 29:15

Bon iruwa ngaira aika ti maeka tabeua te tai n te aonnaba aei, n ai aroia ara bakatibu. Ti na manga bon waekoa n nako, n ai aron te nuu ae e waekoa ni mauna nako.

Iobi 4:19

A karaoaki aomata man te bokaboka ao a maraurau kanga mannikiba aika uarereke, Tera am iango?

Iobi 8:9

A kimototo maiura, ao akea te b'ai teuana ae ti ataia. Ti m'ananga i aon te aonnaba kaanga te nu.

Taian Areru 102:11

Ai aron te nu ae tabe ni mauna bongini maiu, Ao I rai n ai aron te uteute.

Taian Areru 109:23

I a kaan mauna nako n ai aron te nu ngkana e a kan tairiki; I ukaki nako n ai aron te keeketi.

Taian Areru 39:11

Ko boaiia ma n reireiniia aomata man aia bure; ao ko kamaunai kaub'aia kaanga te m'ata te aomata boni kaanga te nu.

Taian Areru 62:9

Ai aron te ike ae ti teuana aomata nako; Ao ti te bo aroia aika kakannato ma aika mangori n akea manenaia. Ngkana a tauaki rawawataia, ao bon akea rawawataia; A bebete riki nakon rawawatan angin te ike ae ti te ikena.

Taian Areru 89:47

Uringa ae e kimototo maiu; uringa ae Ko karikira ni kabaneira b'a aomata aika iriani maiuia te mate.

Te Minita 1:14

I a tia n noori b'aai ni kabane, ao akea nanoni iango ni kabane b'a kaanga ti kaean te ang.

Te Minita 1:2

Akea nanoni b'aai nako! A bane n akea nanoia. I a tia n noori ni kabane akea nanoni b'aai nako!

Te Minita 12:8

Akea nanon b'aai nako. I a tia n noori ni kabane akea nanon b'aai nako.

Te Minita 8:13

ma bon akea ae e bure man tannako mairoun te Atua ae e na teetekeraoi ke n anaanau maiuna.