Taian Areru 144:14 - Te B'aib'ara

¹⁴ A bia bungiia natiia ara kao n akea temanna irouia natiia ae na kabuanib'ai. A bia akea te b'ana ni kananokawaki i nanoni kawai n ara kaawa.

Taian Areru 144:14 ပူးပေါင်းရင်းမြစ်များ

Iobi 39:11

Ko kona ni mwiokoa korakorana ma ni kantaningaia b'a e na karaoi am m'akuri aika rawawata?

Itaia 24:11

A mauna nako taai ni kukurei man te aonnaba, ao a takaarua aomata ni kawain nako te kaawa ni kaangai, “E a bane ara wain!”

Itaia 65:19

N na kaonaki n te kim'areirei i bukin Ierutarem ma ana botannaomata. Akea ae e na tang ikekei, ao akea ae e na kakaea buokana.

Ieremia 14:18

I noora rab'ataia aika a mate n te buaka i nanon taian tawaana. Ao I nooria aika a mate ni baki i nanon taiani kaawa, ma a bon waaki aia m'akuri taian burabeti ma ibonga, n aki ataa te b'ai ae e a tia n riki.”

Ieremia 14:2

A tang Iuta ma Ierutarem ngke e a m'autakataka te aba.

Nakoaia Ibonga 26:6

N na kakab'aiaa abami ma te rau, ao kam na motirawa ma te aki maaku. N na oroi ni kanakoi man aika kawakawa aika a kaakang,

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 28:7

E na buokingkami te UEA ni kataenikaiia ami kairiribai ma ni kabirinakoia ni kauamaenakoia.

Tani Motiki-taeka 5:8

A taromauriia atua riki tabeman Iteraera, ao a rina ni buakanaki mataroan aia kaawa nako Ma bon akea aia otanga ke aia kainiwai ni buaka.

Tani Motiki-taeka 6:3

Ni katoa te tai are a ribanai arokaia iai Iteraera, ao a aki toki n roko kaain Miiria ni buakaniia ma kaain Amareka ao botannaomata ake i mainiku.

Tani Motiki-taeka 6:6

A anai b'aai ni kabane kaain Miiria ake aia b'ai Iteraera, ao a bubutiia te UEA Iteraera.

1.Tamuera 31:7

Ao ngke a ongo Iteraera ake a mena n iteran te M'arua are Ietireera ao i mainikun te Karaanga are Ioretan b'a a tia ni biri nako ana taanga ni buaka Iteraera ao a tia ni mate Tauro ma natina m'aane, ao a manga kitana aia kaawa ma ni biri nako. Ao a roko kaain Bitiria ni kaainna.