Taian Areru 144:13 - Te B'aib'ara

¹³ A bia onrake ara ookai n uaanikai n aekaia nako. A bia bungiia natiia aika ngaa ma ngaa ara tiibu aika mena i aon abara.

Taian Areru 144:13 ပူးပေါင်းရင်းမြစ်များ

Nakoaia Ibonga 26:10

A na taonako autin ami uaanikai ni uaa aika a uangingi ni katoa ririki.

Nakoaia Ibonga 26:5

A na rangi ni bati ami uaa ake a uangingi ma ami kureebe ngkana kam taii, n te aro ae kam na aki ataa ae kam na karaoia iai. Kam na am'arake ao kam na rauaki, ao kam na maeka ma te kawakinaki raoi.

Maraki 3:10

Bon te UEA Ngai ae Moan te M'aaka, ae I kaewenakoingkami b'a kam na kataai. Uoti mai ni kabane taiani kabwianib'ai nakon te auti n am'arake, b'a e aonga n reke te am'arake n au auti. Ao i mwiina, N na kauki wintoon karawa ma ni kaonrakeingkami n te kab'aia teuana ma teuana.

Te Tua-Kaua 28:4

A na reke natimi aika bati. A na m'aiti uaan arokami n tain te tai, ao a na m'aiti naba buniia ami nanai n tiibu, nanai ni kao, ao ami nanai ni kooti.

Te Tua-Kaua 28:8

E anganingkami te aba aei te UEA, ao E na katetekeraoingkami ni b'aai ni kabane aika kam karaoi. E na rangi ni m'aiti uaan ami tai n te aro are a na onrake ami auti ni kawakinam'arake.

Te Tua-Kaua 8:3

ma ngaia are, E karaoingkami b'a kam na baki. Ao i mwiina E anganingkami te maana, te aekaki n am'arake ae a bon tuai man ongongo taekana ami bakatibu. E reireiningkami te UEA b'a a aki ti kainanoa te am'arake aomata i bukin maiuna--a kainanoa Ana taeka ni kabane te UEA ake E taekin.