Taian Areru 143:8 - Te B'aib'ara

⁸ Ko na kaururingai ni katoa ingaabong n taekan am Tangira ae Teimatoa, B'a I onimakiniko. I tataro nakoim; kaota te kawai ae N na toua.

Taian Areru 143:8 ပူးပေါင်းရင်းမြစ်များ

Taian Areru 119:34

Anganai te kona n ota n nanon am Tua, B'a I aonga n ongeaba nako iai, ao ni kawakinna ma nanou ni koaua.

Taian Areru 119:73

Ko karikai, ao Ko kawakinai raoi; kawanawanaai b'a I aonga n reireiai am Tua.

Taian Areru 143:10

Bon Atuau Ngkoe; reireiai karaoan nanom. E na kairiirai Tamneim ae e raoiroi n te kawai ae aoraoi.

Taian Areru 25:20

Kamanoai ao kamaiuai. Kawakinai b'a N na aki konaaki, ngkai nneu ni kamaiu Ngkoe.

Taian Areru 27:11

Te UEA, reireiai te b'ai ae Ko tangiria b'a N na karaoia, ao kairiirai n te kawai ae e raoiroi, b'a a bati taan ribaai.

Taian Areru 30:5

E rangi ni kimototo tain unna, ma e tei maan ana akoi i aoni maiun te aomata. A waanako rannimata ni kangainaa, ma e oneaki mwina n te kakatonga n te ingabong.

Taian Areru 32:8

E kaangai te UEA, N na kaota te kawai ae ko na nako iai; N na riki b'a am Tia Reirei, ao N na tarataraiko.

Taian Areru 42:8

E na kaota ana Tangira ae Teimatoa te UEA ni ngaina, B'a e aonga n reke kunau n te tairiki, Ae au tataro nakon te Atua ae anganai te maiu.

Taian Areru 46:5

E mena te Atua n te kaawa anne, Ao e na aki kona n uruaki; E rangi n tauraoi ni buokiia.

Taian Areru 5:8

Te UEA, Ko na kairiirai n am Raoiroi i bukiia taan ribaai; Ko na kaboraoa kawaim ae N na iria.

Taian Areru 59:16

Ma ngai N na anenea taekani m'aakam; N na kanenea b'anaau n te ingabong koraki i bukin am tangira ae teimatoa. B'a Ko a tia n riki b'a nneu ni kamanomano ao ni katantan n te bong ae e kai nanou iai.

Taian Areru 86:4

Te Uea, kakukureiai, ngai ae am Toro, b'a a waerake au tataro nakoim.

Taian Areru 90:14

Ko na kaon nanora n am Tangira ni katoa ingabong, B'a ti aonga n anene ni kakatonga ma ni kukurei ni kabane bongini maiura.

Itaia 30:21

E ngae ngkana kam rairaki nakon te angaatai ke te angamaing, ao kam na bon ongo naba te b'anaa ae e kaangai, “Aio te kawai! Kam na iria ngkai.”

Itaia 48:17

ma taian rongorongo aika: Kaain Iteraera, Bon te UEA ae te Atua ae e tabu Ngai, are e kamaiungkami. bon i bukimi, I reireiningkami, ao I kairingkami i aon te kawai ni koaua.

B'aeb'aeti 3:41

Ti na kauki nanora nakon te Atua are i karawa ma n tataro nakoina.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Tani Motiki-taeka 13:12

Ao e titiraki Manoa ni kaangai, Tera te tua ae ti na ira nanona, ao tera ae na karaoia natira ngkana e koro bukin am taeka ni berita?

1.Tamuera 23:12

Ao e manga titiraki Tawita ni kaangai, “A na anga ngai ma au rorobuaka kaain Keira nakon Tauro?” Ao E taku te UEA, “A na bon karaoa anne.”