Taian Areru 143:7 - Te B'aib'ara

⁷ Te UEA, Ko na ongo ngkai irou! Akea au kaantaninga. Tai karabako mairou, b'a I kaawa n riki b'a temanna i buakoia ake a tia ni mate.

Taian Areru 143:7 ပူးပေါင်းရင်းမြစ်များ

Taian Areru 102:2

Tai karabako mairou n te tai ae I reke iai n te kaangaanga. Katanimaia taningam nako iu, ao bareiko n ongo irou ngkana I weteiko iai.

Taian Areru 22:24

E aki ribaia ke ni kaaki taekaia akana kananoanga n aia tai n rawaawata; E aki tan nako mai rouia, ma E ongo irouia ngkana a tangira buokaia mai Rouna.

Taian Areru 27:9

Ma ngaia ae tai karabako mairou. Ngai ae am Toro, te UEA Ko a tia ni buokai; Tai kitanai, tai taeanibai nako mai rou, Ngkoe ae te Atua, ae au Tia Kamaiu.

Taian Areru 28:1

Te UEA, ae nneu ni katantan, I weteiko; ongo b'anaau! Ngkana Ko aki kaekaai, ao N na ruo naba nakon aia aonnaba maate.

Taian Areru 40:17

Ao ngai, I a kaawa, ao e kai nanou; Ma E ururingai te UEA: Bon te tia buobuokai ao au tia kamaiu Ngkoe, Atuau! Bareiko ni buokai.

Taian Areru 69:17

Tai karabako mairoun am Toro; Bareiko, buokai, b'a I taonaki n te kaangaanga ae korakora.

Taian Areru 69:18

Ko na nako iu, ao kamaiuai; Kamaiuai mairouia taan ribaai.

Taian Areru 69:3

I a kua ni weewete i bukini buokau, ao e a b'aka buau. A kai matau n taratara nako ni kakantaninga buokau mairoum.

Taian Areru 70:5

I kananoanga ao e kai nanou; Te Atua, Ko na bareiko n nako iu. Boni Ngkoe te tia buokai ao te tia kamaiuai; te UEA, tai tab'ara ma buokai!

Taian Areru 71:12

Te Atua, tai kararoako mairou; Atuau, tai tab'ara ma nako mai buokai!

Taian Areru 84:2

Ti te kan nako ngai ni mena ikekei! I kan nako ni mena n ana Tembora te UEA. I anene ni kakatonga nakon te Atua ae maiu ma nanou ni kabane.

Taeka n Rabakau 13:12

Ko konaa ni kaaorakiko man aki reke ae ko tangiria, ma bon te aroka ae e anga te maiu am iango ae ko tangiria ae e korobukina.

Itaia 38:18

Bon akea temanna ae e konaa ni kaaitauko mai buakoia ake a mena i abaia maate ke n neboiko; akea mai nanon te m'anono ae e nano aei ae e konaa ni kaantaningaiko b'a ko na kaota nakoina aron am kakaonimaki.

Itaia 57:16

au Aomata, e a toki uniu ao I aki manga bukiningkami. B'a bon te tia karikingkami Ngai. I aki tangiringkami b'a e na b'ara nanomi n te aro ae moan te korakora.

Itaia 8:17

Man te tai arei ni karokoa ngkai, ao I bon tiku naba n onimakina te UEA, e ngae ngke e a aki kukurei iroun Iteraera.

Ruka 21:26

Ane a na b'aka ni kiro aomata i bukin te maaku ma kaantaningaan te b'ai ae na roko i aonnaba; b'a ane a na kam'aeaki b'aini karawa mani neia are a taneiai iai.