Taian Areru 142:5 - Te B'aib'ara

⁵ Te UEA, I weteiko b'a Ko na buokai; te UEA, boni Ngkoe ae te tia kamanoai, Akea ae I kainanoia b'a ti Ngkoe n te maiu aei.

Taian Areru 142:5 ပူးပေါင်းရင်းမြစ်များ

Taian Areru 119:57

Te UEA, akea ae I tangiria b'a ti Ngkoe, N na ongeaba nakoim.

Taian Areru 16:5

Bon te UEA ngkoe, ae au b'ai ni kabane! ao ko anganai b'aai ni kabane aika i kainanoi; e bon mena arou i bukin taai aika ana roko i nanon baim

Taian Areru 27:13

I kakoaua b'a N na aki mate i m'ain ae I nora raoiroin te UEA n te maiu aei.

Taian Areru 35:12

A kaboa mwin au m'akuri ae e raoiroi n te buakaka, Ao I taonaki n te rawaawata.

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 46:7

Bon raora te UEA ae Moan te M'aaka; Bon otangara Atuan Iakob'a.

Taian Areru 56:13

i bukina b'a Ko a tia ni kamaiuai man te mate, Ao Ko kawakinai b'a N na aki b'aka. B'a I aonga nakonako i matam te Atua ao n ira te oota are nako n te maiu.

Taian Areru 73:26

E kona n rikirake ni mamaara nanou ma rab'atau, Ma bon te tia kakorakoraai te Atua, ao ti Ngaia ae I kainanoia.

Taian Areru 91:2

E na kaangai nakoina, Bon te tia katanai ao te tia kamanoai Ngkoe. Bon Atuau Ngkoe; I onimakiniko.

Te Minita 4:1

I a manga taratara nako riki, ao I nooriia aomata aika a karaoaki ae a aki riai nakoia ni kabutaa te aonnaba. A tang, ma bon akea temanna i rarikiia ae e kona n anga te karaunano nakoia, ao te koraki ake a karaoa ae e aki raoiroi nakoia bon aomata aika iai te m'aaka irouia.

B'aeb'aeti 3:24

Akea ae i kainanoia riki i rarikin te UEA, I a tau i rouna.

Ioane 16:32

Noria, e a roko te aoa, ao e a boni kaman roko, are kam na kauamaaeaki nako iai nakoni mwengami nako, ao kam na kitanai ni katukai n ti Ngai; ma iai raou b'a Tamau.

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.