Taian Areru 142:4 - Te B'aib'ara

⁴ Ngke I tara rarikiu, ao I noria b'a akea ae na buokai, akea ae na kamanoai. Akea ae tabeakina maiu.

Taian Areru 142:4 ပူးပေါင်းရင်းမြစ်များ

Iobi 11:20

Ma a na taratara nako aomata aika buakaka ni kakaea buokaia, ao a na kunea b'a bon akea te kawai are a na biri nako iai. Ti teuana aia kantaninga b'a kakantaningaan te mate.

Taian Areru 1:6

A kairiiraki ma ni kawakinaki iroun te UEA aomata akana a raoiroi, ao aomata akana a buakaka a toua kawain te kabuanib'ai.

Taian Areru 140:6

Boni Ngkoe te UEA Atuau! Taiaoka ongora nakon au tataro.

Taian Areru 141:9

Ko na kawakinai b'a N na aki m'ane n aia b'ai ni kam'am'ane akana buakaka, akana a katauraoi ni karabai i m'aiu.

Taian Areru 143:4

Ma ngaia ae e mamara nanou, ao ai akea te bae I kona ni karaoia.

Taian Areru 31:11

A taku ake a ribaai b'a akea wareu, ai moa ra riki ake a maeka i rarikiu; ao a makai te koraki ake a ataai; a biri nako ngkana a norai n te kawai.

Taian Areru 69:20

A riki aia taetae n iowawa nako iu b'a uruan nanou, ao I rawaawata iai. I kaantaninga nanoangakiu, ma akea ae e reke; Ao akea naba ae e reke i bukini karauan nanou.

Taian Areru 88:18

Ko kararoaia mairou raoraou aika I rangi n tena ma ngaiia, Ao ai ti ngai n tiku n te roo.

Taian Areru 88:8

Ko kararoaia raou mairou; Ko karaoa ae N na bati n ribaki irouia. I kainaki ao I aki kona n oti nako;

Ieremia 18:22

A a tia ni ken taian m'anono aomata aikai ma b'ainikam'ane i buku, te UEA. Karaoia b'a a na takaarua ni maaku ngkana Ko kanako ia taanga ni buaka b'a a na buakan mwengaia nako.

Ieremia 25:35

Bon akea te tabo ae kam na biri nako iai, ao akea te tabo ae kam na karabaingkami iai.

Ieremia 30:17

Akea ae e tangiria n riki b'a raoraomi ke n tabe n te b'ai ae e riki nako imi. Ma N na kamaoi ikoakimi, ao kam na manga marurung.

Iona 2:8

Akana a taromauri bouannanti aika akea maneia, a tia ni kitana karineam.

Mataio 26:56

Ma a riki baikai b'a a na kakoauaki aia koroboki burabeti.” Ao a bane ana reirei ni kitanna, ao a biri nako.

2.Timoteo 4:16

Akea ae e tei i rarikiu n te moa n tai are I taetae iai ni kaitarai bukinau; a bane ni kitanai. E bia aki tauaki aroia aei b'a te bure nakoia!

1.Tamuera 27:1

E taku Tawita i bon i rouna, “E na bae n tiringai Tauro i nanoni boong aikai. E raoiroi riki irou ngkana I biri nako Biritia. Ane e na kakaaeai Tauro i aon Iteraera ao N na bon maiu iai mai rouna.”