Taian Areru 140:13 - Te B'aib'ara

¹³ A na neboiko am aomata ao ana maeka ma ngkoe i bukina b'a a karaoa ae e raoiroi.

Taian Areru 140:13 ပူးပေါင်းရင်းမြစ်များ

Iobi 36:6

E aki kateimatoai maiuia taani bure, ao E kaakaraoa te eti nako ia aomata aika kainano.

Taian Areru 11:7

E kaakaraoa ae e raoiroi te UEA, ao E tangira karaoan te motikitaeka ae eti A na noora matana akana karaoi m'akuri akanne.

Taian Areru 16:11

Ko na kaota nako iu te kawai are e nakon te maiu; E kaonai n te kukurei rokom ao e anganai te kakatonga n aki toki.

Taian Areru 23:6

I kakoauaa b'a am Raoiroi ma am Tangira a na bon irirai ni maiu n taai nako; ao am auti e na riki b'a mwengau n aki toki.

Taian Areru 32:11

Kam na kukurei ma ni kakatonga, ngkami akana kam raoiroi, i bukini baika E a tia ni karaoi te UEA. Ao takaakaa ni kakatonga, ngkami akana kam ongeaba i rouna!

Taian Areru 35:10

N na taetae ma nanou ni koaua ni kaangai, “Akea n ai arom: b'a Ko kawakinia akana mamara mairouia akana korakora, ao akana akea aia b'ai mairouia akana b'ainikirina te aba.”

Taian Areru 73:24

Ko kairiirai n am Taeka n Reirei, Ao Ko na m'aneai rimwi nakon te neboaki.

Taian Areru 97:12

Ngkami akana kam raoiroi ni kabane, kam na kukurei i bukini baika E a tia ni karaoi te UEA! Kam na ururing baike E a tia ni karaoi te Atua are tabu, ao katituaraoia.

Taeka n Rabakau 22:23

Bon te UEA te tia tei i bukiia, ao te b'ai are kam karaoia nakoia, e na manga karaoia nakoimi.

Itaia 3:10

Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Ioane 14:3

Ao ngkana I nako ni katauraoi nne i bukimi, ao N na manga oki ni kairingkami nako iu; b'a ike I mena iai, ao kam na mena naba iai.

Ioane 17:24

“Tamau, I tangiriia ake Ko anganai b'a a na mena irou ike I mena iai, b'a a na nora neboakiu are Ko anganai ngke Ko tangirai i m'ain rikin aonnaba.

1.I-Tetaronike 4:17

ao ngaira aika ti maiu n te tai anne ti na uotaki rake ma ngaiia nakon te tabo are a mena iai naang, ao ti na kaitibo ma te Uea i aani karawa; ao n te aro aei ti na memena n taai nako iroun te Uea.