Taian Areru 14:3 - Te B'aib'ara

³ A bane n tangakoi b'aai; ao akea ae e karaoa ae e raoiroi.

Taian Areru 14:3 ပူးပေါင်းရင်းမြစ်များ

Karikani B'aai 6:12

Ao E tarataraa te aonnaba te Atua, ao E nooria b'a e a rangi ni buakaka, b'a a bane ni maiuakina te maiu ae buakaka aomata ni kabane.

Iobi 14:4

Bon akea te raoiroi ae kona n otinako man te b'ai ae kam'ara n aron te aomata.

Iobi 15:16

ao e nang kanga riki n onimakinaki te aomata ngkai bon te b'ai ae buakaka, ae akiako, ae e taka i bukin te buakaka.

Taian Areru 119:176

I m'aninga nako n ai aron te tiibu ae bua; Ukoukorai, ngai ae am Toro, i bukina ngkai I aki m'anuoki am Tua.

Taian Areru 14:1

Bon ti te aomata ae e nanobaba ae e kona ni kaangai, “Akea te Atua.” Akea bonganaia aomata aikai; Akea irouia ae karaoa ae e raoiroi, ao akea te raoiroi i nanoia.

Taian Areru 143:2

Tai motika taekan am toro ni kabuakaka; b'a akea te aomata ae maiu ae e raoiroi i matam.

Taian Areru 38:5

A kakaiaki ikoakiu ao a m'aung, i bukin nanobabau.

Taian Areru 58:3

A kamani bure maiuia akana buakaka; a kaman rabakau ni kewe mai nanoni biroton tinaia.

Te Otinako 12:30

Ao a bane n uti n te tairiki anne, te uea, ana mataniwi, ao kaain Aikubita ni kabane ake tabem'aang. E a taona aon Aikubita ni kabutaa n te tang ae korakora, i bukina ngke a bane ni mate naati mm'aane n taiani mwenga ni kabane.

Te Otinako 8:31

ao e kaekaaki ana tataro iroun te UEA. Bon akea naba te nango temanna ae tiku n aki karaua te uea, ana mataniwi, ke aomata nako i Aikubita.

Te Minita 7:20

Bon akea n te aonnaba aei ae e kaakaraoa te eti n taai nako.

Te Minita 7:29

Iai te b'ai teuana ae I ataia: Ti rangi n raoiroi ngkoa ngke e moan karikiira te Atua, ma ngkai a tia ni b'aoua ara iango.

Itaia 53:6

Bon tiibu ngaira ni kabane aika a m'aninga nako. Ti a tia n toua nako kawaira n tatabemaniira, ma e anganna te UEA te tuua are ti bon riai ni katuaaeaki iai.

Itaia 64:6

Ti aki tau n taromauriiko; bon taian motinikunnikai aika a buakaka ara m'akuri n tatabeua nako. Ti m'auteretere kaanga taiani baanikaai; bon te ang aika a korakora ara bure ake a kaubara nakoira.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

I-Rom 3:23

B'a akea te kakaokoro; b'a a bane ni bure aomata nako, ao e aki reke i rouia te neboaki are a na anganaki iroun te Atua.

1.I-Korinto 6:5

I taekina aei b'a kam aonga ni mamaa. E koaua b'a bon akea temanna ae rabakau i buakomi ae e kona ni karekea te baire ae raoiroi i marenaia raona n onimaki,

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Ebeto 2:3

ake boni ngaira naba ngkoa i buakoia ngke ti bane ni kaoti arora ni maiura b'a ti iri nanoni kaib'ab'arun rab'atara ma nanora; bon aomata ngaira aika e mena i aora unin te Atua, ao ti te bo arora ma aomata ni kabaneia.

Te Tua-Kaua 1:35

“Kam rangi ni buakaka ngkami kaain te roro aei, ao I bon aki kariaia b'a kam na rin n te aba ae e raoiroi are I berita iai nakoia ami bakatibu.