Taian Areru 14:2 - Te B'aib'ara

² E tarataraia aomata te UEA mai karawa b'a E kan noria b'a tao iai ae wanawana ae e na ukoukoria ke akea.

Taian Areru 14:2 ပူးပေါင်းရင်းမြစ်များ

Karikani B'aai 11:5

Ma ngke E ruorikaaki te UEA n noora aia kaawa ae buubura are a tia ni karaoia ma tauana,

Karikani B'aai 18:21

Ma ngaia are, N nang nako n ruo rikaaki n noora koauan taian rongorongo ake I a tia n ongo b'a a koaua ke aki.”

Karikani B'aai 6:12

Ao E tarataraa te aonnaba te Atua, ao E nooria b'a e a rangi ni buakaka, b'a a bane ni maiuakina te maiu ae buakaka aomata ni kabane.

2.Rongorongo 19:3

Ma ko aki buakaka ni b'aai ni kabane, b'a ko urui taiani boua aika a tabu ake a kabonganaaki i bukin taromaurian te anti are Nei Atera-are e kaotaki iai b'a ko a tia ni kataia n ongotaeka iroun te UEA.

2.Rongorongo 30:19

A reke iroun Etekia, ao e a ataa te b'ai ae a tia ni karaoia ao e tataro: “Te UEA ae te Atua, a tuai n itiaki n aron tuan baika a tabu. Ma a bon taromauriiko naba n aron are a karaoia aia bakatibu. Taiaoka, kab'arai aia bure.”

Iobi 15:14

E koaua b'a e kona te aomata n itiaki? Bon iai ae kona ni kororaoi i matan te Atua?

Taian Areru 107:43

Ao akana wanawana, ke a iaiangoi baikai; Ke a kareke aia iango n ana ataataiaomata te UEA.

Taian Areru 11:4

E mena te UEA i nanon ana Tembora are tabu; ao e mena ana Kaintokanuea i karawa. E tarataraia aomata ni kabaneia n taabo nako, ao E atai baika a karaoi.

Taian Areru 69:32

Ane a na kukurei akana a b'ainikirinaki ngkana a nora kamaiuau; A na kauungaki nanoia akana taromauriko.

Taian Areru 82:5

Ai nanoroo ra ngkami! Kam a baba ra! A buretata aromi, ao e a bua te kaetitaeka ae e raoiroi mai aon te aba.

Taian Areru 92:6

E aki kona n ataa aio te aomata ae nanobaba; E aki kona n oota iai te aomata ae aki wanawana:

Taeka n Rabakau 2:9

Ko na konaa n ataa nanon te raoiroi ma te maiu ae e raoiroi ao e eti n te wanawana.

Taeka n Rabakau 8:5

Te iangoraoi ma ana babaaire te nano ana konaa n riki b'a am b'ai.

Taeka n Rabakau 9:16

“Ngkana ko kabitaia ao nakomai riin!” Ao e taku nakoia aika a nanobaba,

Taeka n Rabakau 9:4

“A kaoaki aomata akana a buurang ke akana a nanobaba!

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Itaia 55:6

Rairaki nakon te UEA! E boni konaa naba n reke. Weewetea te Atua! E kaan.

Itaia 63:15

Taiaoka te UEA, taratara rikaaki man am tabo ane e tabu ma ni mimitong ane mwengam ane n taiani karawa ao noora te b'ai ae e riki. Ko a aki tangiria? E ngaa m'aakam? Kaotia b'a ko bon tabeakiniira ao ko nanoangaira!

Itaia 64:1

Bwenauai taiani karawa! Ruorikaaki, te UEA; karurui taiani maunga.

Itaia 8:19

Ane a na kaangai tabeman nakoimi, “Naako kawariia taani kaiwa ake a wiwiirikiriki ke n titirakini tamneia maate. Ma e ngae n anne, ao e riai te botannaomata ni konaa n titirakina oin antina nako

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Ieremia 5:1

Kakaaia aomata aika a raoiroi i Ierutarem aika a kataia ni kakaonimaki. Ngkana e konaa n reke i roumi temanna, ao N na kab'ara ana bure te kaawa ae e b'anin.

B'aeb'aeti 3:50

Ni karokoa E na taraira te UEA mai karawa, ao E na norira.

Taniera 12:10

Ane a na m'aiti aomata aika a na kaitiakaki. Ane a na aki ataa nanona aomata aika a buakaka; ao a na teimatoa ni buakaka; bon ti aomata aika a wanawana aika a na ataa nanona.

Mataio 13:15

B'a e a reke irouia aomata aikai te roo n nano, ao a rawa taningaia ni kan ongo, ao a kamatakiaki mataia: b'a a kawa n noraba ni mataia, ao n ongora n taningaia, ao n atatai n nanoia, ao n rairaki b'a N na kamaiuia.’

I-Rom 3:11

Akea ae wanawana ke ae na taromauriia te Atua.

Ebera 11:6

Ma ngkana akea te onimaki ao e aki kona te aomata ni kakukureia te Atua; b'a e bon riai iroun te aomata ane nako n te Atua ni kakoaua b'a bon iai te Atua ao boni Ngaia te tia karekea kaniwangaia te koraki aika kakorakoraia n ukoukoria.