Taian Areru 14:1 - Te B'aib'ara

¹ Bon ti te aomata ae e nanobaba ae e kona ni kaangai, “Akea te Atua.” Akea bonganaia aomata aikai; Akea irouia ae karaoa ae e raoiroi, ao akea te raoiroi i nanoia.

Taian Areru 14:1 ပူးပေါင်းရင်းမြစ်များ

Karikani B'aai 6:5

Ao ngke E noori aia m'akuri aika buakaka aomata ni kabane n te aonnaba te Atua, ma aia iango aika kammaira n taai nako,

Iobi 15:16

ao e nang kanga riki n onimakinaki te aomata ngkai bon te b'ai ae buakaka, ae akiako, ae e taka i bukin te buakaka.

Iobi 22:13

Ma kam taku, “B'a tera ae na ataia te Atua? E aki kona ni motika taekan temanna b'a a raba matana n taian nang aika rotongitong.

Taian Areru 10:4

E aki kan reitaki teutana ma te Atua te aomata ae buakaka; E taku n ana iango b'a akea te Atua.

Taian Areru 107:17

A karawaawataaki tem'angina i bukin nanobabaia: B'a a bure ao a bubuaka aroia.

Taian Areru 53:1

E taku te nanobaba i nanona, “Akea te Atua.” Aomata aika aroia aio bon aomata aika a bure aroia, Ao a karaoi baika bati n ribaki: akea temanna ae karaoa ae e raoiroi.

Taian Areru 73:3

i bukin nanobwiu irouia ake a kainikatonga ngke I noori b'aai b'a a nako raoi i bukiia aomata aika buakaka.

Taian Areru 92:6

E aki kona n ataa aio te aomata ae nanobaba; E aki kona n oota iai te aomata ae aki wanawana:

Taeka n Rabakau 1:22

“Tao maanra riki ngkami ni kukurei ni maiumi ae e nanobaba? E aera ngkai kam aki katoka te kakaniko ma ngareakinan te rabakau?

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 13:19

Bon te namakin ae e raoiroi ngkana e reke te b'ai ae kam tangiria, ma e rawa te nanobaba ae e bangab'ai n rairaki nako man te buakaka.

Taeka n Rabakau 27:22

Ko bon aki konaa ni kanakoa te nanobaba mai nanon te nanobaba ngkana ko batibooia ni karawataa.

Te Minita 7:20

Bon akea n te aonnaba aei ae e kaakaraoa te eti n taai nako.

Itaia 1:4

Iteraera, bon te botannaomata ngkoe ae ko buubure, ao ko onrake n te kaairua. Ko rangi ni buakaka, ao ko kam'araa ao ko a tia n tannako mai roun te UEA, ae Atuaia Iteraera ae te Atua ae tabu.

Ieremia 5:12

A b'anganikewe aia burabeti ao a taku, “E aki konaa ni katuaaira te UEA. Ti na maeka ma te rau ao a na m'aiti karara.”

Ieremia 6:28

Ao ane ko na kuneia b'a ti te bo matoaia ma kaanga te buraonti ao te biti. Bon taani kakaitaraai aika a taningamatoa ngaiia, ao a aki toki n tataekin taiani kewe.

Mataio 12:34

Ngkami aika buniia naeta! A na kanga n raraoi ami taeka, ngkai kam buakaka? B'a e taetae te wii man onraken te nano.

Mataio 15:19

B'a a nako man te nano iango aika buakaka aika kaira te aomata b'a e na tiritiri, e na wene ni bure ma te ainenum'a, e na wene ni bure ma te aine ae akea buuna, e na iraa, e na bukibuki ni kewe, ao e na taekini baika aki raraoi b'a taekaia aomata tem'angina.

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

I-Ebeto 2:12

ao kam tuai n reitaki ma Kristo ngkekei, ngke kam ianena nakoia te botannaomata ae Iteraera, ao akea nnemi n taiani boraraoi ake kanoan te taeka n akoi, akea ami kaantaninga ao kam aki reitaki ma te Atua ni maiumi i aon te aba aei.

Tito 1:16

A taku b'a a ata te Atua; ma a kakeaa n aia m'akuri nako. A bati n ribaki, ao a aki ongeaba, ao a aki tau nakoni m'akuri aika raraoi ni kabane.

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

1.Tamuera 25:25

I butiiko b'a ko na aki tabe ma Nab'ara, b'a bon akea manenana! Ao bon anne nanon arana: te nanoroo! I aki mena ikekei ngke a roko am taani m'akuri teuae ko karineaki.