Taian Areru 139:23 - Te B'aib'ara

²³ Te Atua, ko na kekera nako arou, ao ataa nanou, Ko na kataai, ao kunei au iango.

Taian Areru 139:23 ပူးပေါင်းရင်းမြစ်များ

Iobi 31:6

Ke E katineai te Atua n te b'ai n tau rawawata ae koaua, ao E na noorai iai te Atua b'a bon te aomata ngai ae akea au bure.

Taian Areru 11:4

E mena te UEA i nanon ana Tembora are tabu; ao e mena ana Kaintokanuea i karawa. E tarataraia aomata ni kabaneia n taabo nako, ao E atai baika a karaoi.

Taian Areru 11:5

E neneri aroia aomata aika raoiroi ma aika buakaka; ao E ribaia taani kakiriwe ma nanona ni koaua.

Taian Areru 139:1

Te UEA, Ko a tia ni kekera nako arou ao Ko ataai.

Taian Areru 17:3

Ko ataa nanou; Ko a tia ni kawarai n te bong; Ko a tia n nenera arou ao akea te nano ae buakaka irou. E a tia n au iango b'a n na bon aki tataekina te kewe.

Taian Areru 26:2

Te UEA, Ko na nenera nako arou, ao kataai; b'a tera nanou ma au iango.

Taeka n Rabakau 17:3

E tuoaki te koora ma te tirewa n te ai ao a tuoaki nanora iroun te UEA.

Ieremia 11:20

I tataro nakon te UEA ni kaangai, “Te UEA ae Moan te M'aaka, Ko bon kaakaraoa ae e raoiroi, ao Ko atai iango ni kabane. Ma ngaia are, I onimakiniko b'a ko na buokai n irataangau.”

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Te Tua-Kaua 8:16

Ao E anganingkami naba te maana, te aekaki n am'arake ae a tuai ma ongongo taekana ami bakatibu. E kataingkami te UEA b'a kam aonga n onimakinna, b'a E aonga ni karaoa ae raoiroi nakoimi rimwi.

Te Tua-Kaua 8:2

Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,