Taian Areru 139:21 - Te B'aib'ara

²¹ Te UEA, ai ribaki ra irou akana ribaiko! Ai aki kan taraki ra irou mataia akana rawa ni kan aantaeka iroum!

Taian Areru 139:21 ပူးပေါင်းရင်းမြစ်များ

2.Rongorongo 19:2

Ma e kaaitibo ma te burabeti are Ieu are natin Anani te m'aane i aon kawaina ao e taku Ieu nako ina: Ngkai ko buoka te aomata ae e buakaka are Aaba, ao ko a tia n iraorao ma te aomata ae e ririiba te UEA. Ao ngkai, e un te UEA iroum!

Taian Areru 119:136

A waanako rannimatau kanga ai aron raangan ranin te karaanga, B'a a aki ongeaba aomata nakon am Tua.

Taian Areru 119:158

I noriia taan rawa nakon am Tua, ao I ribaia; B'a a aki taua am Taeka.

Taian Areru 15:4

A kakeai bongaia aomata aika akea aroia, mani kaota te karinerine nako ia aomata ni kabane ake a taromauriia te UEA, mani kawakin aia berita, n aki ongea booia.

Taian Areru 26:5

I aki kani bobotaki ma akana buakaka; Ao N na aki tekateka i buakoia taani bure.

Taian Areru 31:6

Ko ribaia akana taromaurii atua tabeman ma I onimakiniko.

Ieremia 13:17

Ngkana kam rangi ni kamoamoa ni kakauongo, ao N na tanginiwenei n ti Ngai. A na raanga nako rannimata mai matau ngkana a uotaki nako ana aomata te UEA b'a taenikai.

Mareko 3:5

E un Iesu ngke E tarataraia nako, ao E nanokawaki naba i bukina ngke a matoatoa nanoia; ao E taku nakon teuarei, “Arora nako baim.” Ao e aroria, ao e maiu baina.

Ruka 19:41

Ngke E a kaan riki Iesu ma te kawa ao E taraia, ao E tangi nanona i bukina b'a E nanoangaia,

Te Kaotioti 2:2

I atai aroarom ni kabane, ma arom n rangi ni m'akuri korakora, ma nanom'aakam, ma arom n aki kona n taona nanom nakoia akana buakaka; ao ko a tia ni kataia akana taku b'a taan tuatua ngaiia ngke bon tiaki, ao ko kuneia b'a bon taani kewekewe.

Te Kaotioti 2:6

Ma iai arom aei: ko ribai aia m'akuri raon Nikorao, ake m'akuri ake I ribaai naba.