Taian Areru 138:2 - Te B'aib'ara

² I bobaraaki ni kaitaraa am Auti are te Tembora are Tabu, ao I neboa Aram i bukin am Tangira ae akea tokina ma am Kakaonimaki, Ao i bukina b'a Ko a tia ni kaotia ae e moamoa riki Aram ma am Taeka nakoni b'aai ni kabane.

Taian Areru 138:2 ပူးပေါင်းရင်းမြစ်များ

1.Uea 8:15

Ao e taku: Neboa te UEA ae Atuan Iteraera. E kaotinakoia ana Aomata man te aba are Aikubita n taai ake ngkoa. Ao i mwiina riki, E kakoroa bukin ana Berita ni karika tamau are Tawita b'a uean Iteraera. Ao e taku naba te UEA b'a E tuai n rinea te kaawa are e na karaoaki iai te tembora.

1.Uea 8:20

“Ao ngkai, E a tia ni kakoroa bukin ana Berita te UEA ae N na riki b'a uean Iteraera n aron tamau, ao I a tia ni karaoa te Tembora i bukin te UEA ae Atuara.

1.Uea 8:24

Bon am Toro tamau are Tawita, ao n te bong aei Ko a tia ni kakoroa bukin am Berita are Ko karaoia nakoina.

Taian Areru 115:1

Tiaki ara b'ai te neboaki! Boni Ngkoe te UEA, ae Ko na anganaki te neboaki i bukin am Kakaonimaki ma am Atataiaomata.

Taian Areru 28:2

Ongo irou ngkana I tabeki rake baiu ni kaitaraa am Tembora n au tai n tataro, B'a I tangira buokau mairoum.

Taian Areru 5:7

Ma i bukin batin am Tangira, ao I a kona n roko n am Auti; ao n taromauri n am Tembora are Tabu ma ni boobaraaki ni karineko.

Taian Areru 5:8

Te UEA, Ko na kairiirai n am Raoiroi i bukiia taan ribaai; Ko na kaboraoa kawaim ae N na iria.

Taian Areru 56:10

ae te UEA ae I kamoamoa ana taeka!

Taian Areru 56:4

I onimakina te Atua ao akea te b'ai ae N na makua iai; I kamoamoaa i bukin ana taeka. Tera ae e kona ni karaoia te aomata nako iu?

Taian Areru 85:10

A na uaia n reitaki te tangira ma te kakaonimaki; E na irab'ati te raoiroi ma te raoi.

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Taian Areru 99:5

Kam na neboa te UEA ae Atuara; taromauriia i matan ana kaintokanuea! Moan te tabu Ngaia!

Taian Areru 99:9

Kam na neboa te UEA ae Atuara, ao taromauriia n ana maunga are tabu! Moan te tabu te UEA ae Atuara!

Itaia 42:21

E kaakaraoa ae e raoiroi n taai nako te UEA, ai ngaia are e tangira ana Tua b'a e na rangi n neboaki.

Itaia 63:7

N na taekin aron ana m'akuri te UEA aika E a tia ni karaoi. A bon riai n nebonebo! E a tia ni kaota ana akoi te UEA nakoia Iteraera; e a tia n akoi ao ni karaoa ae e raoiroi.

Taniera 6:10

Ao ngke e ataia Taniera b'a e a tia n tiainaaki te tua arei, ao e a nakoni mwengana. Ao iai wintoon ana auti ae e uki ni kaitaraa Ierutarem. Ao e nako ni katorobubua i matan te winto, ao e tataro nakon te Atua. E tataneiai n tataro tenua te tai n te bongina.

Mataio 24:35

A na mauna karawa ma aonnaba, ma a na aki kona ni mauna au taeka.

Mataio 5:18

B'a e koaua ae I a tuangngkami, b'a ngkai e tuai ni mauna karawa ma aonnaba, ao e na bon aki mauna manin taekan te Tua ae te kabanea n uarereke, ke aron taekana ae te kabanea ni kimototo, i m'ain rikini b'aai nako ake a taekinaki n te Tua b'a a na riki.

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

Ioane 10:35

Ngkana E atongiia te Atua te koraki ake E anganiia ana taeka b'a atua (ao e aki kona ni katinanikuaki taekan te B'aib'ara),