Taian Areru 137:1 - Te B'aib'ara

¹ Ti tekateka i rarikini karaanga i B'aburon, ao ti tang ngke ti uringa Tion.

Taian Areru 137:1 ပူးပေါင်းရင်းမြစ်များ

Etira 8:21

I a buubutiia aomata ngke ti mena i rarikin te Karaanga are Aawa, b'a a na aki am'aam'arake ao a na tataro. Ti kananorinanoira ao ti buubutia te Atua b'a e na anganiira ma natira te mauri i aon Ierutarem ao i aon ara b'ai ni kabane.

Etira 8:31

Ni kauabwiin bongin te moan nam'akaina, ao ti a kiitana te Karaanga are Aawa ao ti a waaki nako Ierutarem. E tararuaira Atuara, ao ngke ti tabe ni m'ananga, ao e kararoaia ara kairiribai mani buakanakira n te aro ni karaba.

Neemia 2:3

ao I bon kaeka naba, “Teuae ko karineaki, Bon au kaantaninga b'a ko na maiu n aki toki! I nanokawaki i bukin au kaawa are e buubura ike a taunaki iai au bakatibu b'a e a urubekebeke, ao a tia ni kabuokaki mataroana ni kab'akaaki.”

Taian Areru 42:4

E uruaki nanou ngke I uring boong ake a tia n nako: Ngke I m'ananga ma aomata aika bati, ni kairiia nakon um'an te Atua; Ao a anene ma te b'ana ni kakatonga ma n nebonebo nakon te Atua.

Itaia 66:10

Kukurei ao takaarua, ngkana kam tangira Ierutarem! ngkana kam nanokawaki i bukina ngkoa kam na kakatonga ngkai.

Ieremia 13:4

“Buuta am kawaerake te kororo. Ao naako nakon Baara ao ko na karabaa am kawaerake te kororo ni b'angab'angan taiani b'a aika a buubura.”

Ieremia 15:17

I aki kaei bootaki ni kukurei ni kakukureiai iai. Ma I kaawakinai, i bukina ngke Ko a tia ni kaonai n unim.

Ieremia 51:13

Kaain B'aburon, kam maeka i mataniwiin te Karaanga are Iuberetiti ao kam katobibiaki n taiani kanare. Kam kaub'ai, ma e a roko te tai are kam na mate iai.

Ieremia 8:19

A tang au aomata i abaia ianena. Kakauongo! Ane ko na ongo aia taeka ae e kaangai, “E a tia te UEA ni kiitana Tion? E a aki Uea iai?” Ao I ongo ana kaeka te UEA ae e kaangai, “E aera ngkai kam kaunai n taromauriia bouannanti aika akea manenaia?”

B'aeb'aeti 1:16

Ao bon anne bukina ngkai a bon taonako rannimatau. Akea ae konaa ni karaua nanou; akea ae konaa ni kaungaa nanou. E a tia ni kataenikaiai au kairiribai; bon akea nikiran aia b'ai au aomata.

B'aeb'aeti 2:18

O Ierutarem, ke a tang oom nakon te UEA! Ke a raanga nako rannimatam n ai aron te karaanga ni bong ao ni ngaina; Ko na tang n rawaawata n akea am tai!

B'aeb'aeti 3:48

A tao karaangan rannimatau i bukin uruaia au aomata.

B'aeb'aeti 3:51

E rootaki nanou n te rawaawata ngke I noora te b'ai are e riki nakoia ainen te kaawa.

Etekiera 1:1

Ni kanimauani bongin te kaaua n nam'akaina n te katenibwi n ririki, I maeka Ngai ae Etekiera ae te ibonga are natin Buti te m'aane, ma Iutaia ake taenikai i rarikin te Karaanga are Keeb'ara i B'aburon. E uki karawa, ao I noora ana kaotioti te Atua.

Etekiera 1:3

Ao I ongo b'anaan te UEA ngke e taetae nako iu i rarikin te karaanga are Keeb'ara, ao I kaonaki n te m'aaka.

Etekiera 3:15

Ao ngke I oki ma ake tekorakina ake a maeka n te Tabuki are Abib'a i rarikin te Karaanga are Keeb'ara, ao I a tekateka i buakoia inanon itiua te bong, n tiaoki n te b'ai are e a tia n riki nako iu.

Taniera 9:3

Ao I kakorakoraai n tataro nakon te Uea ae te Atua, mani kairoro, man aki mamatam, mani karinii kunnikai aika a mangaingai, ao n tekateka i aon te mannang.

Ruka 19:41

Ngke E a kaan riki Iesu ma te kawa ao E taraia, ao E tangi nanona i bukina b'a E nanoangaia,

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”