Taian Areru 135:19 - Te B'aib'ara

¹⁹ Ngkami te botannaomata ae Iteraera, kam na neboa te UEA; Kam na neboia, ngkami akana ana ibonga te Atua!

Taian Areru 135:19 ပူးပေါင်းရင်းမြစ်များ

1.Rongorongo 29:20

Ao e a manga taku Tawita nako ia aomata, “Ami tai ngkanne n neboa te UEA, are te Atua are a tataromauria ami bakatibu!” Ma ngaia are, a bane aomata n neboa te UEA, ao a bobaraaki ni karinea ma aia uea are Tawita.

Taian Areru 115:12

E uringira te UEA, ao E na kakab'aiaira; E na kakab'aiaia te botannaomata ae Iteraera ma ana utu Aron.

Taian Areru 145:10

Te UEA, a na bane n neboiko am kariki-b'ai, ao a na bane am aomata ni katituaraoiko.

Taian Areru 148:14

E kakorakoraa ana botannaomata, b'a E aonga ni kamoamoaki irouia ana aomata ni kabaneia ae te botannaomata ae Iteraera, ae kakawaki i rouna. Kam na kamoamoa te UEA!

Te Kaotioti 19:5

Ao e nako te b'anaa man te kaintokanuea, ae kaangai, “Kam na karaoiroa Atuara, ngkami aika ana toro ni kabaneingkami, ma ngkami aika kam makua, aika kam mangori ma aika kam kakannato.”