Taian Areru 135:14 - Te B'aib'ara

¹⁴ E na kaeti taekaia ana botannaomata te UEA; E na nanoangaiia ana toro.

Taian Areru 135:14 ပူးပေါင်းရင်းမြစ်များ

1.Rongorongo 21:15

Ao i mwiina, e kanakoa te anera ni kamaunaa Ierutarem. Ma ngke e nang waaki te anera arei, ao e a uringaaba te UEA ngke e a noori taian rawaawata ni kabane ake E a tia ni karikia nako ia aomata, ao E taku nakon te anera, “E a bati n tau rawawataia anne.” E riki aei n te tabo ni kaaki kun ni uita are ana b'ai Arauna are kaain Iebu.

Taian Areru 50:4

E wetea karawa ma aonnaba b'a taani kakoaua norana ni motiki taekaia ana Aomata.

Taian Areru 7:8

Te UEA, motikitaekaia botannaomata! Motika taekau, ao kaotai nakoia te koraki ae I b'aab'aina te koaua, ao I aki ataia b'a I bure ke I aki.

Taian Areru 90:13

Te UEA, ai ti maanraa am Tai n un? Ani bita nanom, ao nanoangaira, ngaira aika am Toro.

Taian Areru 96:13

Ngkana E roko te UEA n taua taekan aonnaba. E na tautaekaniia aomata nako i aonnaba n te eti ma te aki nanonano.

Amota 7:3

Ao E bita nanona te UEA ao E taku, “Tera ae ko a tia n nooria Amota, N na bon aki kakoroa bukina.”

Amota 7:6

Ao E a manga bita naba nanona te UEA ao E kaangai, “E na aki koro naba bukin aei.”

Iona 4:2

Ao e tataro, “Te UEA, tiaki b'a bon aei te b'ai ae I kaman tuangko i m'aain kitanan mwengau b'a ko na bon karaoia? Ao bon anne bukina are I karaoa iai au kabanea n raoiroi ni biri nako Tibein! B'a I ataia b'a bon te Atua n Tangira ao n Akoi ngkoe. Ko aki kakaiun, Ko nanoanga, man tauraoi ni bita nanom, man aki karekekai.

Te Tua-Kaua 32:36

E na ti kona n nanoangaia te UEA ma n anganiia te motikitaeka ae eti ngkana ai ti tabeman ana Aomata, ao akea korakoraia ao a riki tabeman mai buakoia b'a buure, ao E a tib'a nanoangaia te UEA ao E a anganiia te motikitaeka ae eti.

Tani Motiki-taeka 10:16

Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.