Taian Areru 133:3 - Te B'aib'ara

³ Ai aron te aoi i aon te maunga are Oman, ngkana e ruon aoni maungan Tion. Ao anne te tabo are E tua te kab'aia iai te UEA, ae taekan te maiu ae akea tokina.

Taian Areru 133:3 ပူးပေါင်းရင်းမြစ်များ

Taian Areru 16:11

Ko na kaota nako iu te kawai are e nakon te maiu; E kaonai n te kukurei rokom ao e anganai te kakatonga n aki toki.

Taian Areru 21:4

E butiko te maiu, ao Ko anganna ae ananau ae akea tokina.

Taian Areru 21:5

E rangi ni karineaki te uea; Ko a tia ni buokia b'a e na kakannato taekana ma ni mimitong.

Taian Areru 42:8

E na kaota ana Tangira ae Teimatoa te UEA ni ngaina, B'a e aonga n reke kunau n te tairiki, Ae au tataro nakon te Atua ae anganai te maiu.

Taeka n Rabakau 19:12

E bekorara kaanga te raian te uea ane e unun, ma e riki b'a kaanga te aoi i aon taian uteute, te uea ngkana e kukurei.

Nakoaia Ibonga 25:21

N na taraia raoi b'a kam na taiia ae e tau i nanon te kaonoua n ririki i bukin tenua te ririki.

Mika 5:7

A na riki nikiraia Iteraera ake a maiu ma ni uamaaenako i buakoia botannaomata b'a b'aai ni kamaiu aika a kanakoaki mairoun te UEA n ai aron te aoi ma te karau i aon taian aroka. A na mwioko iroun te Atua, ao tiaki iroun te aomata.

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Ioane 5:24

“Bon te koaua ni koaua ae I a tuangngkami, b'a ane ongo au taeka ao e onimakina Teuare kanakomaiai, ao e na reke i rouna te maiu are aki toki. E na aki motikaki taekana; e a tia ni kitana te kawai are e na mate iai, ao e a toua te kawai are e na maiu iai.

Ioane 5:29

ao a na oti nako mani neia ni mate: akana tia ni karaoa ae e raoiroi nakon te maiu, ao akana tia ni karaoa ae buakaka nakon te rekenikai.”

Ioane 6:68

E kaekaa Betero ao e taku, “Te Uea, ti na nako n antai? A mena iroum taeka aika e reke mai iai te maiu are aki toki.

I-Rom 5:21

B'a aron te bure ngke e noraki arona n uea n te mate, ao ai arona naba b'a e na uea te akoi ni kaetan arora n reitaki ma te Atua, ao ni kairira naba nakon te maiu are aki toki iroun Iesu Kristo are ara UEA. Ao te bure e karokoa te mate, ao a bane n rotaki aomata ni kabaneia n te mate i bukina b'a a bane ni bure.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

Te Tua-Kaua 28:8

E anganingkami te aba aei te UEA, ao E na katetekeraoingkami ni b'aai ni kabane aika kam karaoi. E na rangi ni m'aiti uaan ami tai n te aro are a na onrake ami auti ni kawakinam'arake.

Te Tua-Kaua 4:48

ni moa man te kaawa are Aroera i mataniwiin te Karaanga are te Arenon, i meangin te Maunga are Oman.

Iotua 13:11

Ni ikotaki naba ma te baronga are Kireata, ma aban nako Keturi, ma Maakata, te maunga are Oman ni kabane, ma Batian ni kabane ni karokoa Tareka.

1.Ioane 2:25

Ao aio te taeka n akoi are E tuangiira: b'a ti na maiu n aki toki.

1.Ioane 5:11

Ao aio te kaotioti: b'a E anganira te Atua te maiu are aki toki, ao e mena te maiu aei i nanon Natina.

Te Kaotioti 1:18

Teuare Maiu Ngai; I mate ngkoa, ao noria, I a manga uti n aki toki, ao bon iai irou kingin te mate ma kingin Eriti.