Taian Areru 132:9 - Te B'aib'ara

⁹ A na b'ab'aina te eti am ibonga n taai nako; a na anene n takaakaa ni kakatonga am botannaomata!

Taian Areru 132:9 ပူးပေါင်းရင်းမြစ်များ

2.Rongorongo 6:41

Nakomai nakon mwengam ae e boou, ae ti a tia ni karina iai te Atiniberita, are boni kanikinaean korakoram. I tataro b'a ngkana a katanoataa m'aakam ibonga i bukin kamaiuaia aomata, ao ane a na kukurei aomata akana a kakaonimaki nakoim i bukin b'aai aika ko a tia ni karaoi i bukiia.

Iobi 29:14

I aki toki ni kakaraoa te eti ma te riai.

Taian Areru 104:1

N na karaoiroa te UEA ni maiu, te UEA ae Atuau, ai kakannato ra Ngkoe! am B'ai te karineaki ma te mimitong; kanga ai aron ae Ko kunnikaiko iai.

Taian Areru 132:16

N na kakab'aiaia ana ibonga ni b'aai ni kabane akana a karaoi, Ao a na takaakaa n anene ma te kakatonga ana botannaomata.

Taian Areru 149:5

A na kakatonga ana Aomata te Atua n reken aia tokanikai, Ao a na anene ni kim'areirei ni kangainaa.

Taian Areru 47:1

Uboubo ni kukurei, ngkami aika botannaomata! Takaakaa ni kamoamoa te Atua.

Taian Areru 68:3

Ma a kukurei ao a kakatonga akana raoiroi i matan te Atua; A kukurei ao a kaonaki n te kim'areirei ae bati.

Taian Areru 70:4

A bia bane ni kakatonga ma ni kukurei iroum akana nakoim; A bia aki toki akana tangira am Kamaiu ni kaangai, “Ai kakannatora te Atua!”

Taian Areru 93:1

E uea te UEA. E kunnikaia n niiniiran te uea, ao E korakora m'akana. E tiku raoi ni matoatoa ni nena aonnaba ao e aki kona ni kam'aingaki.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Itaia 65:14

A na anene ni kim'areirei, ao ngkami kam na tangi ma te uruaki n nano.

Teb'ania 3:14

A bane n anene ni kukurei aomatan Iteraera ma Iuta. ma nanoia ni koaua

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

I-Rom 13:14

Ma kam na anai ana b'ai ni buaka nako te UEA are Iesu Kristo, ao tai karekei aia tai rab'atami aika bubure b'a a na iri nanoia ni kaib'ab'aru.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”

Te Kaotioti 19:8

E a tia n anganaki neierei kunnikaina ae te rinen ae e raoiroi ae raneanea ae itiaki b'a e na b'ainna. (Te rinen ae e raoiroi, bon aroia ake a itiaki ni kakaraoa nanon te Atua ni maiuia).

Tani Motiki-taeka 5:31

Ti tataro nakoim, ara UEA b'a a na mate ara kairiribai ni kabane n ai aron Titera Ma Ko na karaneaneaia ni kabane n aron taai ngkana e a tib'a ingabong akana tangiriko. Ao e tiku n rau Iteraera i nanon 40 te ririki.