Taian Areru 130:1 - Te B'aib'ara

¹ Te UEA, I weteiko ngkai I taonaki n te rawaawata ae moan te bati,

Taian Areru 130:1 ပူးပေါင်းရင်းမြစ်များ

Taian Areru 121:1

I tara rake n tarai maunga! e na reke mai ia buokau?

Taian Areru 122:1

I kukurei ngke a kaangai nako iu, Ti a nako n te Tembora are ana auti te UEA.

Taian Areru 123:1

Te UEA ao Atuara, I tararake n taraiko, i aon am Kaintokanuea i karawa.

Taian Areru 124:1

Ao ngke arona b'a E aki buokira te UEA? Kanga terana ara taeka iai, ngaira te botannaomata ae Iteraera?

Taian Areru 125:1

Akana onimakina te UEA ai aron te maunga are Tion, are aki kona ni m'aing, are tei n nene ni matoatoa n aki toki.

Taian Areru 126:1

Ngke E kaokira te UEA nakon ana kaawa ae Ierutarem, ao ai aron ae ti mii!

Taian Areru 127:1

Ngkana E aki katea te auti te Atua, ao e matebuaka aia m'akuri taani kateitei. Ngkana E aki teiakina te kaawa te Atua, ao e matebuaka aia tei taan tantani.

Taian Areru 128:1

A kab'aia akana karinea te UEA, akana karaoa nanona ni maiuia.

Taian Areru 129:1

Iteraera, tuangiira aroia am kairiribai ni b'ainikiriniko ma ngke ko moa n riki b'a te botannaomata ngkoe.

Taian Areru 18:16

E kanakoa baina te UEA mai karawa n tauai; E katikai rake man raan.

Taian Areru 40:2

E katikai rake man te kinono ae kamaamate, mai nanon te bokaboka ae nimnim. E kateai raoi i aon te b'a, Ao E kanakonakoai raoi.

Taian Areru 42:7

A waaki ni b'aro riaou am nao, Kanga ai aroni marawa ae un, Ke te raanga n ran ae rurunga b'arona.

Taian Areru 71:20

Ko a tia ni karoko kaangaanga i aou ma baika I a tia ni karawaawataaki iai, Ma Ko na manga kaoka nako iu marurungiu; Ko na kawakinai man te ruanimate.

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.