Taian Areru 128:3 - Te B'aib'ara

³ E na riki buum i nanoni mwengam b'a te aine ae kakariki kanga ai aron te kureebe ae kakariki uaa; ao natimi kanga ai aroia aroka aika oriwa aika tib'a tabe n rikirake, ngkana a otab'aninia am Taibora.

Taian Areru 128:3 ပူးပေါင်းရင်းမြစ်များ

Karikani B'aai 49:22

“Kaanga ai aron m'angan te aroka Ioteb'a ae bati uaana, Te m'aanga n aroka ae tei i rarikin te karaanga n ran; aika a rabuna aon te o m'angana.

1.Rongorongo 8:40

Bon taian tautia aika a ninikoria natin Uram m'aane ao bon taani katebe aika a bane aroia. Bootan m'aitiia natiia ma tibuia bon tebubua nimangaun m'aitiia.

Taian Areru 127:3

Boni b'aai n akoi ao n tituaraoi naati mairoun te Atua.

Taian Areru 127:5

E a kab'aia te aomata ane iai i rouna kanoani kainikatebe aika ai aron akanne! E na aki kona ni konaaki ngkana e kaitaraa ma aiana n tain te kabowi.

Taian Areru 144:12

A bia rikirake natira m'aane b'a ai aron aroka aika rikirake ni korakora; Ao natira aine b'a ai aroni boua aika atiibu aika tamaroa taraaia, aika bouan maninganingan ana auti te uea.

Taian Areru 52:8

Ao ngai ai aron te kai ae te oriwa ae maiu raoi n um'an te Atua: I onimakina ana ataataiaomata te Atua n aki tootoki.

Ieremia 11:16

N te tai teuana kam riki b'a te kai te kureebe ae e onrake n te uaa. Ma n te tai ae e aki maan ao N na kanako ia taani kakiriwe aika a kakarongoa b'a a na urui m'aangam ma ni kaurarakei n te ai.

Etekiera 19:10

Bon te kai ae te kureebe tinam ae e maiu i rarikin te raanga n ran. E rangi n m'aiti te ran, ai ngaia are e a kaon m'aangana n taiani uaa aika a m'aiti.

I-Rom 11:24

B'a ngke ko koreaki man te oriwa are riki n aki akaaka, ao ko katomaaki nakon te oriwa are unikaki raoi, e ngae ngke bon tiaki m'angana ngkoe, ao ai bebete ra riki aroia ni katomaaki m'aanga ake boni m'angan te oriwa are unikaki raoi, ngkana a kaokaki nakon aroia ake rimoa?