Taian Areru 128:2 - Te B'aib'ara

² Ane ko na kana uaani mwin am M'akuri; ko na kukurei ma n tetekeraoi.

Taian Areru 128:2 ပူးပေါင်းရင်းမြစ်များ

Karikani B'aai 3:19

A na reke kanam mani maonon ram'am ni karokoa manga okiran te tano are ko boni karaoaki mai iai. Ko karaoaki man te tano, ao ane ko na manga bon okira te tano.”

Taian Areru 1:3

Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Taian Areru 109:11

A bia anaaki ana b'ai ni kabane iroun ane iai baena i rouna; Ao a bia anaaki uaan ana m'akuri irouia iruwa.

Te Minita 8:12

A karaoi buure aika tebubua m'aitiia, ao a maiu ni karokoa karaia, ao a aki reke n te taeka n rabakau are e kaangai: A na teetekeraoi aomata nako aika a maiuakina te raoiroi ao a karinea te Atua,

Itaia 3:10

Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Itaia 62:8

E a tia n anga ana taeka te UEA ao e karaoa te berita aei: N na aki manga anga riki nakoia ami kairiribai taian uita ao taiani kureebe aika kam bon bekutata ni karaoia.

Itaia 65:13

Ma ngaia are, I tuangngkami koraki aika kam taromauriai ma n ongotaeka nako iu b'a a na m'aiti kanami ma nimami, ma kam na baki ao n taka. A na kukurei ngaiia, ma kam na rawaawata ngkami.

Ieremia 22:15

Ngkana ko kabatiaa te kai te tiira n am bareti e bon aki konaa ni karikiko naba b'a te uea ae e raoiroi riki nakon tamam are Iotia. E kakaraoa te raoiroi n taai nako e anga te motikitaeka ae eti nakon te aomata ae e kainano ao te aomata ngaia ae e raoiroi.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

I-Ebeto 6:3

“b'a ko aonga ni kab'aia, ao e aonga ni maan am tai ni maiu i aon te aba.”

Te Tua-Kaua 28:11

E na anganingkami natimi aika m'aiti te UEA, ao kam na kakoauaa b'a a na bungiia natiia aika m'aiti ami man aika kawakawa. E berita ngkoa te UEA nakoia ami bakatibu b'a bon ami b'ai te aba aei, ao E na karikia b'a te aba ae korakora am'araken aona i bukimi.

Te Tua-Kaua 28:39

Ane kam na unika te kureebe ma ni m'akuri korakora ni kawakinna, ma ane kam na aki kiniki uaana, ao e na aki reke naba mai iai ami wain, b'a a na kanaki taiani kureebe n te m'ata.

Te Tua-Kaua 28:4

A na reke natimi aika bati. A na m'aiti uaan arokami n tain te tai, ao a na m'aiti naba buniia ami nanai n tiibu, nanai ni kao, ao ami nanai ni kooti.

Te Tua-Kaua 28:51

A na anai ami kao, tiibu, kooti, uita, wain, ao b'aan te oriwa, ao ma ni katikuingkami b'a kam na mate ni baki.

Te Tua-Kaua 28:8

E anganingkami te aba aei te UEA, ao E na katetekeraoingkami ni b'aai ni kabane aika kam karaoi. E na rangi ni m'aiti uaan ami tai n te aro are a na onrake ami auti ni kawakinam'arake.