Taian Areru 126:4 - Te B'aib'ara

⁴ Te UEA, Ko na manga kaoka kab'aiara nakoira, n ai aron te raanga n ran te rereua are i maiaki.

Taian Areru 126:4 ပူးပေါင်းရင်းမြစ်များ

Taian Areru 126:1

Ngke E kaokira te UEA nakon ana kaawa ae Ierutarem, ao ai aron ae ti mii!

Taian Areru 85:4

Te Atua ae ara tia kamaiu, Ko na kaoka kab'aiara ngkoa nakoira, Ao katoka aki kukureim iroura.

Itaia 35:6

Ane a na eweewerake aika a m'auku kaanga taian ria; neewe aika a bae a na manga takaarua. Ane a na manga raanga raan ri nanon te rereua.

Itaia 41:18

N na karaangai taiani karaanga i aon taubukin taiani maunga. N na kanakoa taian raanga n ran ni kaoni taiani m'arua. E na onrake te aba ae e rereua n raangan taian koburake n ran ao a na riki b'a neei aika taian reke.

Itaia 43:19

I a karika te b'ai ae e boou. Bon arei! Kam nooria? I a tia ni karaoi taiani kawai i nanon taian rereua, ma taiani karaanga n aaba aika a m'auteretere.

Ieremia 29:14

ao N na kariaia ami taromauri. Ao i mwiina, N na bootingkami mairouia botannaomata nako ake I kamaaenakoingkami nako buakoia ngkoa, ao kam na manga okira Ierutarem.

Ieremia 30:3

N te bong teuana ao a na oki Au aomata aika uakoraki aika Iteraera ma Iuta nakon abaia are I anganiia aia bakatibu.”

Otea 1:11

A na manga ikotaki Iteraera ma Iuta ao a na rinea aia tia kairiiri ti temanna. Ao i mwiina, a na kaoki abaia, ao e na riki te bong aei b'a ana bong Ietireera ae e kakannato.

Iotua 3:16

ao e a rina naba n toki raangan te ran, ao a ikoikotaki n te iterana ni karokoa te kaawa are Atam are i rarikin Taretan. Ao e a bon toki raangan te karaanga rikaaki ni karokoa taari are mate, ao a kona aomata n roko i Ieriko.