Taian Areru 125:1 - Te B'aib'ara

¹ Akana onimakina te UEA ai aron te maunga are Tion, are aki kona ni m'aing, are tei n nene ni matoatoa n aki toki.

Taian Areru 125:1 ပူးပေါင်းရင်းမြစ်များ

1.Rongorongo 5:20

Ni katoa nako ia tautia aikai ni buakaniia aia kairiribai, ao a aki toki n taatataro nakon te Atua ma n onimakinna b'a E na buokiia. Ao bon anne bukin totokanikaia baronga aika Reuben, Kata, ao Manate Mainiku i aoia kaain Akera ma taani buokiia.

2.Rongorongo 20:20

N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

Taian Areru 120:1

Ngke e taonai te rawawata ao I tataro,

Taian Areru 121:1

I tara rake n tarai maunga! e na reke mai ia buokau?

Taian Areru 122:1

I kukurei ngke a kaangai nako iu, Ti a nako n te Tembora are ana auti te UEA.

Taian Areru 123:1

Te UEA ao Atuara, I tararake n taraiko, i aon am Kaintokanuea i karawa.

Taian Areru 124:1

Ao ngke arona b'a E aki buokira te UEA? Kanga terana ara taeka iai, ngaira te botannaomata ae Iteraera?

Taian Areru 147:11

Ma E anaaki nanona irouia akana karinea, akana onimakina ana Tangira ae Teimatoa.

Taian Areru 20:8

Ane a na konaaki aomata akana a onimakin aia kaanibuaka ma aia aoti, ma ti na tokanikai ngaira.

Taian Areru 25:2

Atuau, I onimakiniko; Buokai b'a N na aki mamaa ni konakiu; Tukiia aiau b'a a na aki b'ainingareai.

Taian Areru 25:8

I bukina b'a E raoiroi te UEA, ao E eti; E reireiia taani bure te kawai ae a riai n iria.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 34:22

E na kamaiuia ana Aomata te UEA, Ao a na aki kabuakakaaki akana kamanoia i rouna.

Taian Areru 46:5

E mena te Atua n te kaawa anne, Ao e na aki kona n uruaki; E rangi n tauraoi ni buokiia.

Taian Areru 46:6

A kiriwe botannaomata b'a a maaku, a nako buaka waaki n tautaeka n aaba ake iai ueaia; E taetae te Atua n te b'anaa ae korakora, kanga ai aron rebwen te baa, ao e riki n ran aonnaba.

Taian Areru 62:2

Ti Ngaia katanau ao buokau; Ngaia ae kamanoai, ao N na aki kona n taenikai.

Taian Areru 62:3

Ai ti maanraa ngkami n eekaanako te aomata ae akea riki korakorana nakon te o ae e a ei nako b'a e nangi b'aka?

Taian Areru 62:6

Ti Ngaia katanau ao buokau, Ngaia ae kamanoai, N na aki kona n taenikai.

Taian Areru 62:7

E mena kamaiuau ma karineau iroun te Atua; Ngaia au tabo ni kamanomano ae matoatoa, ao nneu ni katantan.

Taeka n Rabakau 10:25

A na mauna nako aomata aika a buakaka aikai a ngkana e roko te angibuaka n oroia, ma e na kaawakiniia ni kabane aika a ongotaeka i rouna te Atua.

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 14:32

Ngkana e roko te tia uarongorongo man te botannaomata ae e raroa, ao ko na kaangai nakoina: “E karaoa Tion te UEA. Ao e na reke naba ikekei te rau iroun te aomata ae e rangi ni kainano.”

Itaia 26:3

E anga te rau ae e tamaroa te UEA nakoia aika a matoa aia onimaki.

Itaia 26:4

Ma ngaia are, onimakina te UEA n taai nako b'a bon ara b'aa ae e korakora

Itaia 51:11

A nang oki ngkai nako Ierutarem koraki ngkoa ake ko a tia ni kamaiuia, a na anene i aoni kawaia. A na katokaaki aia baunuea ma te kukurei ae moan te korakora, ao a na aki manga karawaawataaki n te nanokaawaki ao te rawaawata n nano.

Itaia 51:16

I a tia n tuangngkami te b'ai ae kam na taekinna, ao N na teimatoa ni kamaiungkami i nanoni baiu. I taakina nako taiani karawa ao I kawenei aan nako te aonnaba. Ao ngkai I kaangai, “au Aomata kaain Ierutarem.”

Itaia 51:8

A na kanaki nako kaanga te kunnikai ae e kanaki n te koa. Ma n tokin au tokanikai; ao e na teimatoa m'aakau ni kakamaiu.

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Ob'aria 1:21

Ao ana buakana naba Etom, ma n taua taekana taani buaka aika m'anen Ierutarem aika a totokanikai. Ao E na uea te UEA n tii Ngaia i aoia Ana aomata.”

Mika 4:2

Ao a kaangai aomata, “Ti a rierakea ana tabuki te UEA, are e mena iai ana Tembora Atuaia Iteraera, b'a E na reireiniira baika E tangirira b'a ti na karaoi. Ti na nakonako i nanon kawai ake E a tia n rinei. A roko ana taeka n reirei te UEA mai Ierutarem, ao E taetae nakoia ana aomata mai Tion.”

Tekaria 1:14

Ma ngaia are, e tuangai te anera b'a N na katanoata: I rangi n kakaawakina Ierutarem Ngai ae te UEA ae Moan te M'aaka.

Tekaria 1:17

I bon berita naba b'a e na manga teetekeraoi au kaawa nako-e na manga riki Ierutarem b'a au kaawa ae e rineaki, ao N na anga te rau nakoia aomata aika kaain Tion.

1.Betero 1:21

ngkami akana kam onimakina te Atua i rouna, ae E a manga kamaiua mai buakoia maate, ao E anganna te neboaki; b'a a aonga n tiku ami onimaki ma ami kaantaninga iroun te Atua.

Te Kaotioti 14:1

Ao I taratara nako, ao noria, te Tiibuteteei ae tei i aon te maunga are Tion, ao raona te koraki ae tebubua ma abwi ma aua tengaa m'aitiia aika a koreaki i aon ram'aia aran te Tiibuteteei ma aran Tamana.