Taian Areru 124:7 - Te B'aib'ara

⁷ Ti a tia ni kainaomataaki n ai aron te mannikiba ae kainaomataaki man ana b'ai ni kam'am'ane te tia kaei maan;

Taian Areru 124:7 ပူးပေါင်းရင်းမြစ်များ

2.Tamuera 17:2

ngkana e a kua ma ni b'ara nanona. Ane e na aki reke ana tai, ao a na bane ni biri nako raona. Akea temanna ae N na tiringnga b'a ti Tawita,

Taian Areru 129:4

Ma E raoiroi te UEA, e a tia ni kainaomataai man te amo n toronaki.

Taian Areru 25:15

I mwiokoa te UEA b'a Ngaia buokau n taai nako; Ao Ngaia ae na kamaiuai man te kanganga.

Taian Areru 91:3

E na kakawakiniko b'a ko na aki kabuanib'ai mani b'aai ni kam'am'ane aika raba mai roum, Ao man aoraki aika kamaamate.

Taeka n Rabakau 6:5

Kamaiuko i bon iroum, n ai aron te ria ke te mannikiba ae e kataia ni birinako mairoun te tia kaeman.

Ieremia 18:22

A a tia ni ken taian m'anono aomata aikai ma b'ainikam'ane i buku, te UEA. Karaoia b'a a na takaarua ni maaku ngkana Ko kanako ia taanga ni buaka b'a a na buakan mwengaia nako.

Ieremia 5:26

E kam'aneia maan te tia kaeman ao e kaaki i nanon ooia, ma iai ake a kam'aneia aomata ma ni karikiia b'a aia toro.

2.Timoteo 2:26

ao tao a na oki aia iango iai, ao a na maiu man ana b'ai ni kam'am'ane te riaboro, ngkai a tia n tauaki i rouna b'a konana ake e karaoia b'a a na karaoa nanona.

1.Tamuera 23:28

Ma ngaia are, e katoka kaean Tawita Tauro, ao e a oki ni buakaniia kaain Biritia. Ao anne bukina ngkai e aranaki te tabo arei b'a Te Tabuki ni Kaokoro.

1.Tamuera 25:29

Ngkana iai ae e na buakaniko ao ni kataia n tiringko, ao E na kaawakiniko te Atua b'a ko na mano raoi, kaanga te aomata ae e kakaawakina te kaub'ai ae e kakaawaki. E na karenakoia am kairiribai nako te UEAkaanga te aomata ae e karenakoa te atiibu n te bana.