Taian Areru 124:3 - Te B'aib'ara

³ ao ti na kaman tia ni mate irouia i i bukin kakamaakuna

Taian Areru 124:3 ပူးပေါင်းရင်းမြစ်များ

Etita 3:6

ao ngke e manga ataia ae te I-Iutaia Moretekai, ao e a kani karaoa riki te b'ai ae e ab'ab'aki nakoina. Ao e a karaoa ana m'akuri ni iangoa tiringaia taian I-Iutaia ni kabane ake n te tautaeka ni Botia.

Taian Areru 27:2

Ngke a eekainako aiau ma ni kataia ni kani kamateai, Ao a na bon tae aia kai mani b'aka.

Taian Areru 35:25

Tai kariaia b'a a na kangai i nanoia, “E a koro bukin are ti tangiria! B'a e a tia arona!

Taian Areru 57:3

E na kaekaai mai karawa ao E na kamaiuai. E na katae aia kai taan ribaai. E na kaota nako iu arona n ataataiaomata ma n onimakinaki.

Taian Areru 74:8

A taku i nanoia, Ti na kabane n uru! A kabuoki ni kabane nen te Atua n taromauriaki i aon te aba.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Taian Areru 83:4

A taku, Nako mai; ti na urua aroia ni botannaomata, b'a e aonga n aki manga uringaki taekan Iteraera.

Taian Areru 83:5

A bo nanoia n aia iango ao a botiia aia aomata b'a a na ekiko nako:

Taeka n Rabakau 1:12

A kaub'ai ma ni marurung raoi ngkai ma ti na tiringiia ti n te tai aei ao akea riki.

Ieremia 51:34

Ane a na kaangai kaain Ierutarem, “E kabuai nanora te Uea ae Nebukaneta E kaonna te manikaakang are iroura ma kaub'aira, ao e katikuira n akea ara b'ai e kab'auta te b'ai are e tangiria ao e baawarea nako nikirana.

Taniera 3:19

Ao e a rangi ni maraki nanon Nebukaneta, ao e a ura moana n un irouia Tiateraka, Metiaka ao Abeteneko. Ma ngaia are, e kanakoa ana taeka b'a e na kauraaki te ai ae itiua te tai kabuebuena nakon are boni kabuebuen ae e tataneiai te aba iai.

Iona 1:17

Ao e kab'autaki Iona n te ika ae e buubura n ana babaaire te UEA, e mena i biroton te ika tenua te ngaina ao tenua te tairiki.

Mataio 2:16

Ngke e ataia Erote b'a e a tia ni m'am'anaaki irouia taan rabakau, ao e rangi n un. E kanakoa ana taeka b'a a na bane n tiringaki ataei aika mm'aane i Betereem ma kaawa ake i rarikina ake kaka uoua aia ririki i bukina ngke e a tia n ataia mairouia taan rabakau b'a e a tia ni koro uoua te ririki man te tai are a moa n nora iai te itoi.

M'akuri 9:2

ao e butiia reeta i bukina b'a e na uoti nako Tamateko, nakoni m'aneabaia nako I-Iutaia, b'a ngkana tao e kuneia tabem'aang aika taua te Aro, aika mm'aane ma aine, ao e na tauia ni kabaeia, ao e na kairiia nako Ierutarem.