Taian Areru 123:3 - Te B'aib'ara

³ Ko na nanoangaira, te UEA! B'a e korakora b'ainikirinara ao tiaki konai moaia.

Taian Areru 123:3 ပူးပေါင်းရင်းမြစ်များ

2.Tamuera 6:16

Ao e taratara Nei Mikara are natin Tauro te aine man te winto ao e matakuakina te Atiniberita ngke e uotaki nako nanon ana Kaawa Tawita. Ao e rangi ni b'ainrang ngke e noora Tawita ngke e kibakiba rake ni m'am'aie nakon te UEA.

2.Uea 19:3

Bon taai ni kangaanga ao taai n nanokawaki taai aikai. Kaanga ai aron te aine ae e ngore ni bungiia natina, ngke e a roko ana tai ni bungiia natina.

Iobi 19:15

A manga m'aninga taekau aomata ake I kairuwaia ngkoa n au auti, ao au toro te aine, e a manga karaoai b'a kaanga te iruwa ao te ianena.

Taian Areru 4:1

Atuan au raoiroi, Ko na ongo irou ngkana I weewete; Ko kainaomataai man rawaawatau: Ko na nanoangaai, ao ongo au tataro.

Taian Areru 57:1

Ko na nanoangaai, te Atua, Ko na nanoangaai, B'a boni Ngkoe reken rauni maiu. Ko kamanoai i aan nuuni baim ni kiba ni karokoa e toki karen angibuakan te maiu.

Itaia 53:3

E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

B'aeb'aeti 3:30

Ti na kariaia te kab'ainrangaki ma te oreaki.

Etekiera 36:15

Ko na aki manga ongo b'anaaia botannaomata ake tabeua ni ngareakiniko ma ni mata ni kakaniko riki nakoim. Bon aei au taeka Ngai ae te UEA ae te Atua.

Etekiera 36:6

E a bati n tau rawawatami, ao I rangi n un Ngai ae te UEA ae te Atua! A tia ni kamamaaeko botannaomata,

Ruka 16:14

A ongo baikekei ni kabane B'aritaio ake a baki m'ane, ao a kakanikoa Iesu.

Ruka 23:35

Ao a tei aomata ni mataku; ao aia mataniwi I-Iutaia a kakanikoa Iesu, ao a kangai, “E Kamaiuia aomata, ao ke E kamaiua i bon i Rouna, ngkana ana Kristo te Atua, ae rineaki i Rouna!”