Taian Areru 121:7 - Te B'aib'ara

⁷ E na kakawakiniko te UEA man taiani kabuanib'ai nako; E na kakawakiniko raoi.

Taian Areru 121:7 ပူးပေါင်းရင်းမြစ်များ

Karikani B'aai 28:15

Uringnga b'a N na bon kakawakiniko n taabo nako ike ko nako iai, ao N na manga kaokiko nakon te aba aei. N na bon aki kitaniko ni karokoa I tia ni karaoi b'ai ni kabane ake I a tia ni berita iai.”

1.Rongorongo 4:10

E tataro n te tai teuana nakon Atuan Iteraera ni kaangai, “Taiaoka kakab'aiaai ao anganai abau aika a m'aiti. Ko na aki kikiitanai b'a I aonga n aki reke n te kabuanib'ai.” Ao E karaoi b'aai ake e a tia ni bubuti iai Iabeti te Atua.

Taian Areru 145:20

E kawakinia te UEA akana tangiria ni kabane, ma E na kamaunaia ni kabane akana buakaka.

Taian Areru 34:22

E na kamaiuia ana Aomata te UEA, Ao a na aki kabuakakaaki akana kamanoia i rouna.

Taian Areru 41:2

E na kawakinia te UEA ma n tautau mauriia; E na kakab'aiaia i aon te aba; E na aki kaaki taekaia i nanoni baiia aia kairiribai.

Taian Areru 97:10

B'a E tangiria akana riba te buakaka te UEA; E kawakini maiuia ana botannaomata; E kamaiuia mai nanoni baiia akana buakaka.

Taeka n Rabakau 12:21

A aki konaa n reke n te kangaanga aomata aika a raoiroi, ma a rangi ni m'aiti aia kangaanga aomata aika taani kakiriwe.

Warekaia Iteraera 6:24

I tataro b'a E na kakab'aiaingkami ma ni kaawakiningkami te UEA,

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

I-Rom 8:28

Ao ti ataia b'a ni b'aai ni kabane, ao E m'am'akuri te Atua i bukin te raoiroi ao i bukiia te koraki ake a tangiria ake E a tia ni weteia nakon ana kaantaninga.

2.Timoteo 4:18

E na boni kainaomataai te Uea man aaro nako aika bubuaka, ao E na kamaiuai ma ni karinai i nanoni ueana are i karawa. Bon ana b'ai te neboaki n aki totoki. Amen.