Taian Areru 12:5 - Te B'aib'ara

⁵ E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 12:5 ပူးပေါင်းရင်းမြစ်များ

Iobi 5:15

Ma E kamaiuia aomata aika kainano te Atua man te mate; E kamaiuia aika kainano man te karawawataaki.

Iobi 5:21

E na kamaiuko te Atua man taian taeka ni kabuakaka E na kamaiuko ngkana e roko te urub'ai.

Taian Areru 10:12

Te UEA ae te Atua, kareke kaiia akana buakaka! Ao ururingiia akana kananoanga!

Taian Areru 10:18

Ko na ongo tangiia ni kani buokaki akana kananoanga ma akana akea aia karo; ao Ko na nanoangaiia n am Babaaire nako, b'a e aonga n toki aia m'akuri taani bangaomata.

Taian Areru 10:5

E totokanikai n ana waaki nako; ma E aki kona n oota n aron te Atua ni momotikitaeka, e aki toki ni mamataurikiia ana kairiribai.

Taian Areru 31:19

Ai kamimiira baika raraoi ake Ko kakawakin i bukiia ake a karineko! A bane aomata nako n ataiko b'a Ko raoiroi, Ao a ataa naba ae a mano raoi i Roum akana onimakiniko.

Taian Areru 34:6

E weteia te aomata ae kainano, Ao E ongo i rouna; E kamaiua man rawawatana ni bane.

Taian Areru 73:8

A ngareakiniia aomata tem'angina ao a atoatong taeka aika aki raraoi; A kainikatonga ao a kario iango n ribuaka b'a b'ain ekakinakoaia tem'angina.

Te Otinako 5:2

Ao e kaeka te uea ni kaangai, “Antai te UEA aei, ao bukin tera ngkai N na ongotaeka i Rouna? I rawa ni kanakoi ngkami ma ami aomata!”

Taeka n Rabakau 14:31

Ngkana kam karaoa ae e aki riai nakon te aomata ae e maiu ni kainano, ao kam bon kamamaaea iai te Tia Karikib'ai; ma ngkana kam akoia, ao kam bon kaota iai karineana.

Taeka n Rabakau 18:21

E konaa ni karekea te mate ke te maiu taian taeka! Kaub'arantiko, ao ane kam na manga kang am taeka ni kabane ake kam atong.

Te Minita 4:1

I a manga taratara nako riki, ao I nooriia aomata aika a karaoaki ae a aki riai nakoia ni kabutaa te aonnaba. A tang, ma bon akea temanna i rarikiia ae e kona n anga te karaunano nakoia, ao te koraki ake a karaoa ae e aki raoiroi nakoia bon aomata aika iai te m'aaka irouia.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Itaia 19:20

Aio are e na kauringiia kaain Aikubita ae e meemena irouia te UEA ae Moan te M'aaka. Ao a na buubutiia buokaia ngkana a reke n te kaangaanga, ao e na kanakoa temanna b'a e na kamaiuia mairouia aia kairiribai.

Itaia 33:10

Ma e taku te UEA, “N nang karaoa te b'ai teuana ngkai ao E na rangi ni korakora neboakiu.

Etekiera 18:18

Bon tamana ae e na bon mate i bukin burebureaia aomata ma kimoakiia ao karaoan te m'akuri ae e buakaka.

Otea 7:16

ao a rawa n ongotaeka irou, Akea riki bonganaia nakon te kanoanikatebe ae e b'aoua. A na mate aia tia kairiiri n te buaka i bukin taekinan b'aai aika a nanobaba. A na ngareakinaki irouia kaain Aikubita.

Iakobo 5:4

Noria, a tangiri boon aia m'akuri taani m'akuri aika tai i abami, ae booia ae tauaki iroumi; ao tangiia ake a tai e a tia n roko i taningan te Atua, are te Uea ae Moan te M'aka.

Tani Motiki-taeka 10:16

Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.