Taian Areru 119:99 - Te B'aib'ara

⁹⁹ I rabakau riki nakoia au tia reirei ni kabaneia, i bukin ae I iaiangoi am Taeka.

Taian Areru 119:99 ပူးပေါင်းရင်းမြစ်များ

2.Rongorongo 30:22

Ao Etekia e kaaitauia kanoan Rewi i bukin karaoan taian m'akuri ae e raoiroi, are kairiia aomata i nanon waakin te bootaki. A bukamarua te Toa taan taromauri i nanon itiua te bong n anga taian karea, ao ni kang taian am'arake ake a tabu, ao n neboa te UEA are Atuaia aia bakatibu.

Taian Areru 119:15

N na kamateb'aia am Tua, ao N na nenera am Taeka.

Taian Areru 119:24

A kakukureiai am Taeka n reirei, ao a anganai naba taeka ni buobuoki.

Ieremia 2:8

A aki kan ataai taian ibonga ake a reireiniia aomata au tua nako. A kakaitaraai ami taani kairiiri; ao ami burabeti a tataekina ana taeka B'aara ao a taromauriia atua ni kewe.

Mataio 11:25

Ao ni boong akekei, ao E taetae Iesu ni kangai, I karab'ako, Tamau, ae Ueani karawa ma aonnaba, b'a Ko karabai baikai nakoia akana rabakau ma akana wanawana, ao Ko kaoti nakoia merimeri.

Mataio 13:11

Ao E kaekaia ni kangai, Kam a tia n anganaki baika raba aika b'ain Uean te Atua; ma ngaiia, a tuai n anganaki.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

Ebera 5:12

Kam a riai ni kaman tia n riki b'a taan reirei, ma ae kam bon tangira naba temanna b'a e na reireingkami baike moan reirei n ana taeka te Atua; ao ae kam bon teimatoa naba n tangira te miriki, ao tiaki te am'arake ae matoatoa.