Taian Areru 119:9 - Te B'aib'ara

⁹ E kanga n reke te maiu ae itiaki iroun te aomata ae e a ikawai? Tii ngkana e ongeaba nakon am Taeka.

Taian Areru 119:9 ပူးပေါင်းရင်းမြစ်များ

2.Rongorongo 6:16

Ko berita ngkoa b'a e na riki ni uea n taai nako temanna mai buakoia ana utu i aon Iteraera, ngkana a karaoa aia kabanea n tamaroa nakoim, n aron are e a tia ni karaoia.

Iobi 1:5

E aki toki n ututi Iobi ni karangainan te bong are i mwiin aia baka natina akekei n anga ana karea i bukiia natina n tatabemaniia nako b'a aonga ni kaitiakaki. E kakaraoa aei i bukina ngke e tataku n ana iango b'a n ae e a tia natina temanna ni kamatauninga te Atua n tiaki nanona.

Iobi 13:26

B'a Ko katuaaeai ni baika a matoatoa, ao Ko karawawataai i bukin au bure ngkoa ngke te rikirake ngai.

Taian Areru 119:11

I kaaki am Taeka i nanou, b'a I aonga n aki bure nakoim.

Taian Areru 17:4

Tiaki n ai aroia tem'angina; I a tia n ongeaba nakon am Taeka, Ao I aki katotoong aroia aomata aika iowawa.

Taian Areru 25:7

Kab'arai au bure ake I karaoi ngke te kairake ngai. Te UEA, ururingai n ai aron am Tangira ae teimatoa ma am Raoiroi!

Taian Areru 34:11

Ngkami aika kam reirei irou, kam na nako mai n ongora irou, ao N na reireingkami b'a kam na rabakau ni karinea te UEA.

Taeka n Rabakau 1:10

Ko na aki kaririiaki irouia taani bure ke n ongo

Taeka n Rabakau 1:4

E na konaa te aomata n aki akaaka n reireinna arona ae e na taraa raoi iai, ao a na konaa rorobuaka n ataei ni karekea te rabakau ao te iango ae e tamaroa.

Taeka n Rabakau 2:11

E na tararuaiko ana babaaire nanom ae e raoiroi ao te iangoraoi.

Taeka n Rabakau 4:1

Natiu, kakaauongo raoi nakon au reirei ao reireiniko te iangoraoi.

Taeka n Rabakau 7:7

aika a nanobaba man wintoon au auti.

Te Minita 11:9

Ko riai ni kukurei ma ni kim'areirei n te maiu aei ngkai ko rikirake! Karaoa ae ko tangiria, ao kakaaea te kukurei n te b'ai ae ko nooria. Ma ko na tai m'aninga ae E na motika taekam te Atua ni b'aai ni kabane aika ko karaoi.

Ruka 15:13

I mwini boong tabeua, ao e kabane tib'ana teuare te karimwi n rairi nakon te m'ane, ao e kitana mwengana n nako n te aba ae raroa, ao e kabanei iai n te aro ni maiu ni bakatae.

Ioane 15:3

Ao ngkami, kam a kaman tia ni kaitiakaki n te taeka are I a tia n atongnga nakoimi.

Te Tua-Kaua 17:18

E na kaawakinaki katotoon ana Tua te UEA irouia taian ibonga ake te baronga are Rewi. Ma ngaia are, n te tai naba are e uea iai temanna, ao e na riai n nakoia ibonga ma ni korea te katoto man taian tua aikai ngke a tabe n tarataraia ibonga.

2.Timoteo 2:22

Ko na kararoako man naano ni kaib'ab'aru aika naano n rorobuaka n ataei; ao ko na kataa ae ko kona, ni karaoa nanon te Atua, ni b'aina te kakaonimaki, te tangira, ma te raoi; ko na karaoi baikai ni botaki ma te koraki aika m'anewea aran te Uea ma nanoia aika itiaki.

Iotua 1:7

Ko na korakora ma n ninikoria riki n toui mwiin tuua ni kabane ake e a tia n anganiko Au toro are Moote. Ngkana ko aki kaaki teuana mai i buakon tuua aikai ao e na bon iriiriko te tekeraoi n taabo nako ike ko nako iai.