Taian Areru 119:82 - Te B'aib'ara

⁸² A kua matau n taratara i bukini kan noran te baere Ko taku; Ma ngaia are I a titiraki, Ko na buokai n ningai?

Taian Areru 119:82 ပူးပေါင်းရင်းမြစ်များ

Taian Areru 119:123

A kai matau ni kan nora kakoroan nanon am Taeka i bukin rokon am Kamaiu.

Taian Areru 69:3

I a kua ni weewete i bukini buokau, ao e a b'aka buau. A kai matau n taratara nako ni kakantaninga buokau mairoum.

Taian Areru 86:17

te UEA, Ko na kaota nako iu kakoauan am Raoiroi; Ane a na mamaa akana ribaai ngkana a nora ae Ko anganai kabebeteau ma buokau.

Taeka n Rabakau 13:12

Ko konaa ni kaaorakiko man aki reke ae ko tangiria, ma bon te aroka ae e anga te maiu am iango ae ko tangiria ae e korobukina.

Itaia 38:11

I taku ngai b'a N na aki manga oki n nooriko, au UEA, ke aomata nako aika a maeka n te aonnaba aei.

B'aeb'aeti 2:11

A tibutibu matau n tang, e a korakai tamneiu. E korakai nanou n rawaawatau i bukin kamaunakiia au aomata. A wene ni baki ataei i nanon te kawai i nuukan te kaawa.

Te Tua-Kaua 28:32

Ao a na katikitikaki nako natimi m'aane ao natimi aine nakon aaba tabeua ngke kam bon tei n tarataraia ma n aki kona ni buokiia. Ao ngkana kam a manga kakaaeia n iangoa okiia, ao ane kam na manga matakii man aki manga kona n nooriia.