Taian Areru 119:73 - Te B'aib'ara

⁷³ Ko karikai, ao Ko kawakinai raoi; kawanawanaai b'a I aonga n reireiai am Tua.

Taian Areru 119:73 ပူးပေါင်းရင်းမြစ်များ

1.Rongorongo 22:12

Tera ngke E anganiko te rabakau ma te wanawana, b'a ko aonga ni konaa n tautaekana Iteraera n aron are n Ana tua.

2.Rongorongo 2:12

Kamoamoa te UEA ae Atuan Iteraera are E karaoa karawa ma aonnaba! E a tia n angan Tawita natina te m'aane ae e aki ti rabakau ma ni m'aatai, ma iai naba rabakauna ni karaoa te Tembora i bukin te UEA ao ni karaoa naba te bareti bon i bukina.

Iobi 31:15

Te Atua are E karikai boni Ngaia naba are karika au tia m'akuri.

Iobi 32:8

Ma e mena tamnein te Atua ae m'aaka i nanon te aomata ae E ikeike, ao E angan te aomata te rabakau.

Taian Areru 100:3

Kam na ataa te UEA b'a bon te Atua Ngaia. Boni Ngaia ae karikira, ao ana b'ai ngaira; Bon ana Aomata ngaira, aika E kakawakinira b'a kanga ai aroia tiibu.

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Taian Areru 119:125

Bon am Toro ngai, kawanawanaai: b'a I aonga n atai nanon am Taeka.

Taian Areru 119:144

A eti n aki toki am Taeka: Buokai b'a N na oota iai, ao N na maiu.

Taian Areru 119:169

Te UEA, ongo au tataro: Kawanawanaai n ai aron am Taeka.

Taian Areru 119:34

Anganai te kona n ota n nanon am Tua, B'a I aonga n ongeaba nako iai, ao ni kawakinna ma nanou ni koaua.

Taian Areru 138:8

Ko na kakoroa bukin am kaantaninga i buku; te UEA, akea tokin am tangira. Ko na katia te m'akuri are Ko a tia ni moana karaoana.

Taian Areru 95:6

Nako mai, ti na bobaraaki n taromauria; ti na katorobubua i matan te UEA ae te tia karikira!

2.Timoteo 2:7

Ko na iangoa te bae I taekinna, b'a ane E na anganiko te Uea te ataib'ai ni b'aai ni kabane.

Iakobo 3:18

Te maiu ae e raoiroi boni ngaia ae na taiaki b'a te ua are riki man te koraa are unikaki n te raoi irouia taan raoi.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.