Taian Areru 119:53 - Te B'aib'ara

⁵³ I rangi n un irouia aomata aika buakaka aika urua am Tua.

Taian Areru 119:53 ပူးပေါင်းရင်းမြစ်များ

Etira 10:6

Ao i mwiina, e Etira kiitana ana Tembora te Atua ao e nako n ana ru Ieoanan are natin Eriatiba te m'aane n tiku iai ni kangainaa. E rangi n raraoma i bukin te b'ai ae a tia ni karaoia aomata, ao e aki kana ma n nima te b'ai teuana.

Etira 9:14

E aera ngkai ti na aki ongotaeka riki nakon am babaaire, b'a ti a manga kariaia natira m'aane ao natira aine, b'a a na mare ma Ianena aikai aika a kaakaraoi baika a bati n ribaaki? E na bon rangi ni kamaraka nanom n te aro are ko na tiringiira ni kabane iai.

Etira 9:3

E bon rangi ni kauna nanou te rongorongo aei, ma ngaia are, I raeuai kunnikaiu ao I burimangaoa iran atuu ma buaiu. Ao i mwiina, I a tekateka ma te uruaki n nano,

Neemia 13:25

Ma ngaia are i bukin marakin nanou, ao I a kamaraiaia m'aane aikai. I tua b'a a na oreaki ao ni bon kouti naba iran atuuia tabeua. Ao i mwiina, I karaoia b'a a na berita; N aran te Atua ao I berita b'a n na aki mareia natiu m'aane ao natiu aine ma I-anena.

Neemia 5:6

Ao ngke I ongo ngurengureia ma aia boo, ao I a rangi n un.

Taian Areru 119:136

A waanako rannimatau kanga ai aron raangan ranin te karaanga, B'a a aki ongeaba aomata nakon am Tua.

Taian Areru 119:158

I noriia taan rawa nakon am Tua, ao I ribaia; B'a a aki taua am Taeka.

Taian Areru 89:30

Ma ngkana a aki ongeaba ana kariki nakon au tua, ao n aki iri nanon au kaetieti,

Ieremia 13:17

Ngkana kam rangi ni kamoamoa ni kakauongo, ao N na tanginiwenei n ti Ngai. A na raanga nako rannimata mai matau ngkana a uotaki nako ana aomata te UEA b'a taenikai.

Taniera 4:19

Ao e rangi n aki kakoaua te mii arei Taniera, are arana teuana Beretiata n te aro are e aki reke te b'ai ae e na taekinna. Ao E taku te uea nakoina, “Beretiata, ko na aki raraoma n te rongorongo ane e kaotaki n te mii anne.” Ao e kaeka Beretiata, “Te uea ae ko karineaki, E bia aki nanonaki te mii aei nakoim, ma e bia nanonaki nakoia am kairiribai.

Ab'akuka 3:16

I bane n ongo baikai ao I riki n ruru iai; a ruru matanriau ni maaku. E keerikaaki korakoran rab'atau ma n rurubenebene waeu. N na tataninga ma te rau, n taningaa rokon te tai are E na oroia iai te Atua koraki akea a buakanira.

2.I-Korinto 12:21

Ao I maaku naba, b'a I kawa ngkana I roko riki ao N na karinanoaki iroun Atuau i matami, ao N na katumaua te tang i bukiia te koraki ake a tia ni bure ao a tuai man rairi nanoia man te kammaira, ma te wene ni bure, ma te tam'are.

I-Biribi 3:18

B'a a bati aomata, ake I aki toki n taekiniia ngkoa nakoimi ao I a manga taekiniia naba ngkai ma rannimatau aika waanako: b'a kairiribai ngaiia ni maiuia nakon ana kaibangaki Kristo.