Taian Areru 119:36 - Te B'aib'ara

³⁶ Angan nanou te kan ongeaba nakon am Tua, Ma tiaki te mataai ni kanib'aib'ai.

Taian Areru 119:36 ပူးပေါင်းရင်းမြစ်များ

1.Uea 8:58

Tera ngke E buokiira te UEA n ongotaeka nakoina man toui mwiin ana tua ao ana reirei ni kabane ake E anganiia ara bakatibu.

Taian Areru 10:3

E kainikatonga te aomata ae buakaka n ana iango aika bubuaka; Ao te aomata ae kani b'aib'ai e karereantia te Atua.

Taian Areru 141:4

Ko na tukai mani kani karaoan ae buakaka, ao man raonakiia akana buakaka ni karaoi m'akuri aika bubuaka. N na aki am'arake ma ngaiia n aia tai ni bootaki.

Taian Areru 51:10

Te Atua, karika nanou ae itiaki, ao kabooua Tamneim ae kakaonimaki i nanou.

Te Otinako 18:21

Ma i rarikin anne, ao ko riai n rineia mm'aane aika konab'ai b'a taani kairiiri i bukiia aomata. Rineia taani kairiiri i bukiia tengaun, nimangaun, tebubua ao teuana tengaa, aika koraki aika mamaka te Atua aika a kakaonimaki, ma n aki b'ab'aina te babakanikawai.

Ieremia 32:39

N angan nanoia te kantaninga ae ti teuana n te maiu aei b'a: neboakiu n taai nako, are e na bon nako ia mwiina ae e raoiroi ma aia kariki.

Etekiera 33:31

Ma ngaia are, a bane n roko n ongora irou, ma a rawa ni karaoa te b'ai are I tuangiia. A taku b'a a bon kakaonimaki, ma a bon teimatoa ni kataia ni baabakanikawai aia m'ane aomata tabem'aang.

Ab'akuka 2:9

Ko na b'aka. Ko kab'aib'aia am utu man baika ko karekei n te iowawa. Ko a tia ni kataia ni kamanoa man te kabuanib'ai, ao te kangaanga.

Ruka 12:15

Ao E a manga taku riki nako ia, “Tarataraingkami! ao kawakiningkami man te mataai ni kanib'aib'ai ni kabane; b'a maiun te aomata, e aki mena n ana b'ai, e ngae ngkana a reke i rouna ni m'aiti.”

Ruka 16:14

A ongo baikekei ni kabane B'aritaio ake a baki m'ane, ao a kakanikoa Iesu.

I-Ebeto 5:3

Ma ngkai aomata aika itiaki ngkami, ao e aki riai b'a e na taekinaki b'a iai te wene ni bure, ma te kammaira nako, ma te mataai ni kani b'aib'ai i buakomi;

I-Korote 3:5

Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

1.Timoteo 6:17

Ko na tuangiia akana kaub'ai ni b'ain te maiu aei, b'a a na tai kainikatonga ao a na tai onimakina te kaub'ai ae aki teimatoa; ma a na onimakina te Atua, ae kabane b'aai ni kabatiai n anganira b'a ti na kukurei iai.

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”

2.Betero 2:14

Nanoia bon ti te kani wene ni bure ma aine aika a nooriia; a aki kona n rauaki nanoia ae kani bubure. A kaririia aomata aika mamara ni maiuia b'a a na kam'aneia. Bon iai nanoia aika kataneiaki b'a a na kani b'aib'ai. A na bon reke kaiia;

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.