Taian Areru 119:35 - Te B'aib'ara

³⁵ Kateimatoa ongeabau nakon am Tua, b'a I kukurei iai.

Taian Areru 119:35 ပူးပေါင်းရင်းမြစ်များ

Taian Areru 1:2

Ma kukurein nanona bon ana Tua te Atua; e waawarekia ma n iaiangoia ni ngaina ao ni bong.

Taian Areru 119:16

I kukurei n am Tua; N na aki m'anuoka am Taeka.

Taian Areru 119:173

Ko na tauraoi ni buokai, i bukina ngkai I tou mwin am Taeka.

Taian Areru 119:27

Buokai b'a N na oota n am Tua, ao N na iaiangoi am Taeka n reirei aika kamimii.

Taian Areru 119:36

Angan nanou te kan ongeaba nakon am Tua, Ma tiaki te mataai ni kanib'aib'ai.

Taian Areru 23:3

E anganai te marurung ae boou. E kairiirai i nanoni kawai aika eti, n aron ana taeka ni berita.

Taian Areru 25:4

Te UEA, Ko na kaoti arom nako iu; Ko na reireiai kawaim nako.

Taeka n Rabakau 3:17

E kakukureia te maiu te wanawana ao e kairiira ni kaawakiniira i aon kawaira.

Taeka n Rabakau 4:11

I a tia ni kaota te kawai nakoim ae e na karekea am iango; I a tia ni kairiko i nanon te kawai ae e eti.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Taeka n Rabakau 8:20

I aki toki ni kaakaraoa te raoiroi,

Itaia 2:3

A na m'aiti aomata ake a na roko ao a na kaangai, “Ti a nakon ana Maunga te UEA ae Atuan Iakob'a ma n taromauri n ana Tembora.” E na reireiniira te UEA ana Tua mai Ierutarem, ao ti na ongotaeka i rouna.

Itaia 48:17

ma taian rongorongo aika: Kaain Iteraera, Bon te UEA ae te Atua ae e tabu Ngai, are e kamaiungkami. bon i bukimi, I reireiningkami, ao I kairingkami i aon te kawai ni koaua.

I-Rom 7:22

B'a e on nanou n te kukurei n ana Tua te Atua;

I-Biribi 2:13

B'a bon te Atua ae m'am'akuri i nanomi b'a kam aonga ni kukurei ni karaoa ana kaantaninga n akoi.

Ebera 13:21

E na katauraoingkami nakoni m'akuri aika raraoi ni kabane b'a kam aonga ni karaoa nanona, ao b'a kam aonga iroun Iesu Kristo ni karaoa are E na kukurei iai te Atua. Ao ana b'ai Kristo te neboaki n aki totoki. Amen.

1.Ioane 5:3

B'a bon tangiran te Atua te baei, ae tauan ana tua i roura; ao a aki kanganga aroia n tauaki.