Taian Areru 119:34 - Te B'aib'ara

³⁴ Anganai te kona n ota n nanon am Tua, B'a I aonga n ongeaba nako iai, ao ni kawakinna ma nanou ni koaua.

Taian Areru 119:34 ပူးပေါင်းရင်းမြစ်များ

1.Rongorongo 22:12

Tera ngke E anganiko te rabakau ma te wanawana, b'a ko aonga ni konaa n tautaekana Iteraera n aron are n Ana tua.

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Taian Areru 119:10

I kekeiaki n toro iroum ma nanou ni koaua; Kawakinai man riaoan am Tua.

Taian Areru 119:100

I atatai riki nakoia unim'aane, i bukina ngkai I ongeaba nakon am Taeka.

Taian Areru 119:104

E reke irou te wanawana n am Taeka, Ma ngaia ae I ribaai aroaro aika buakaka ni kabane.

Taian Areru 119:125

Bon am Toro ngai, kawanawanaai: b'a I aonga n atai nanon am Taeka.

Taian Areru 119:130

E karekea ootan nanoia akana bangab'ai am Taeka, Ao e kawanawanaia naba.

Taian Areru 119:144

A eti n aki toki am Taeka: Buokai b'a N na oota iai, ao N na maiu.

Taian Areru 119:169

Te UEA, ongo au tataro: Kawanawanaai n ai aron am Taeka.

Taian Areru 119:2

A kab'aia akana kawakin ana taeka, akana ukoukoria n nanoia ni kabane;

Taian Areru 119:58

I butiko ma nanou ni koaua, b'a Ko na nanoangaai, n ai aron am Taeka.

Taian Areru 119:66

Reireiai b'a N na wanawana ao N na rabakau, B'a I kakoauai am Tua.

Taian Areru 119:69

A taekinai n te aro ni kewe akana kainikatonga, Ma I ongeaba nakon am Tua ma nanou ni koaua.

Taian Areru 119:73

Ko karikai, ao Ko kawakinai raoi; kawanawanaai b'a I aonga n reireiai am Tua.

Taian Areru 39:2

Ma ngke I aki taetae ma n rau, ao n aki atonga naba te raoiroi teuana, ao kurakaiu e tabe n rikirake.

Mataio 5:19

Ma ngaia aei, b'a ane kamamaraaea m'aakan te Tua teuana ae maraurau riki i buakon tuua aikai, ao e reireiia aomata b'a e a toki manenana, ao e na atongaki b'a moan te mangori n Uean te Atua; ma ane tou mwin tuua aikai n reireiia aomata iai, ao e na atongaki b'a e kakannato n Uean te Atua.

Mataio 7:24

Ma ngaia aei, b'a ane ongo au taeka aikai ao e iri nanoia, ao ai aron te aomata ae wanawana, are katea ana auti i aon te b'a.

Ioane 7:17

Ane kukurei ni karaoa nanon te Atua, ao e na ataia iai b'a te b'ai ae I anga b'a au reirei e nako mairoun te Atua, ke e nako boni man au iango.

Iakobo 1:25

Ma ane taratara te tua are moanibaan te raoiroi, are tuan te inaomata, n teimatoa iai, ngkai tiaki te aomata ngaia are e ongo ao i mwina e m'aninga, ma te aomata are karaoa nanon te baere e ongo, ao e na kakab'aiaki n are e na karaoia.

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.

Iakobo 4:11

Taari, kam na tai kabuakaka. Ane kabuakaka tarina, ke ane motika taekan tarina, ao e kabuakaka te Tua, ke e motika taekan te Tua; ngkana ko motika taekan te Tua, ao tiaki te tia toua mwin te Tua ngkoe, ma bon te tia motiki-taeka iai ngkoe.