Taian Areru 119:32 - Te B'aib'ara

³² N na kakorakoraai n tou mwin am Tua, Buokai ni karabaaba riki ootan nanou.

Taian Areru 119:32 ပူးပေါင်းရင်းမြစ်များ

Karikani B'aai 26:22

Ao e a manga kitana ikekei, ao e a manga kena te m'anib'a riki teuana, ao ai bon akea te kamangaongao n aei, ma ngaia are, e a aranna b'a “Inaomata.” Ao e taku, E a anganiira ngkai te inaomata te Atua ni maeka n te aba aei, ao ti nang bon taia arora ikai.

1.Uea 4:29

E wanawana Toromon. E kakab'aia te Atua n anganna te rabakau ma te ataib'ai.

Taian Areru 119:45

N na maiu n inaomata, ngkai I kekeiaki n ongeaba nakon am Tua.

Taian Areru 18:36

Ko kawakinai b'a N na aki reke irouia aiau; Ao I tuai n taenikai.

Ana Anene Toromon 1:4

Kawaekoako, au uea! Ti a kawaekoaira. Kairai nakoni mwengam. Ti rangi ni kukurei iroum! Ao ti neboa am tangira nakon riki te wain. Ataeinainen Ierutarem, e tamaroa b'a kam na ti neboia.

Itaia 40:31

Ma e na manga reke te korakora ae boou irouia akana a onimakina te UEA. A na korakora kaanga ikare a na betiraoi i aoni baiia ni kiba; a na nakonako ao a na biribiri ao a na aki kua.

Itaia 60:5

Ngkana kam noora te b'ai aei, ao a na uremangangaa matami, e na bukibuki manawami ao kam na onrake n te kakatonga. A na bane ni uotaki nakoim baika a kakaawaki man taabo aika a raroa nakoa i aoni marawa ao kaub'aia botannaomata nako.

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Ioane 8:32

ao kam na ata te koaua, ao e na kainaomataingkami te koaua.”

Ioane 8:36

Ma ngaia aei, ngkana E kainaomataingkami te Nati, ao kam na bon inaomata.

2.I-Korinto 3:17

Ao te UEA bon te Tamnei; ao ike E mena iai Tamnein te UEA, ao e mena iai te aro n inaomata.

2.I-Korinto 6:11

I-Korinto, ti aki wii makiki n taetae nako imi, ao ti aki karabai nanora.

Ebera 12:1

Ma ngaia ae ngaira, ngkai iai taani kakoaua aika rangi ni bati aika otab'aninira, ao ti na kaki b'aai nako aika katinebuira, ma te bure ae nimnimtira, ao ti na biri ma te nanokorakora n te kabobirim'aka ae kamenaki i m'aira;

1.Betero 2:16

Kam na b'aina te maiu n inaomata; ma kam na tai b'aina inaomatami b'a aonami ngkana kam karaoa ae buakaka; ma kam na b'aina te maiu n toro ae maiuia aomata aika tooro iroun te Atua.