Taian Areru 119:26 - Te B'aib'ara

²⁶ Ngke I kaoti nakoim au kaangaanga, ao Ko kaekai au tataro; Reireiai am Tua.

Taian Areru 119:26 ပူးပေါင်းရင်းမြစ်များ

1.Uea 19:10

Ao e taku Eria, “Te UEA ae Moan te M'aaka, I aki toki ni kakabanea korakorau n ongongotaeka iroum. Ma a tia am Aomata n urui aia berita nakoim. A tia n urui am Baonikarea ao a tiringiia am Buraabeti, ao bon ti nikiraia ngai. Ao ngkai ae a boni kataia naba ni kan tiringai.”

1.Uea 8:36

ao Ko na ongora mani mwengam i karawa mani kab'arai aia bure. Bon am Toro aomatan Iteraera, ma ngaia are, Ko na reireiniia aroia ni maiuakina te maiu ae e eti. Ao taiaoka ni kanakoa te karau i aon te aba are Ko berita iai nakoia n aki toki.

2.Uea 20:3

Tai m'aninga te UEA are I a tia ni kakaonimaki nakoim. I a tia n ongotaeka iroum ma nanou ni kabane, ao I karaoi b'aai ni kabane ake Ko tuangai. Ao i mwiin arei ao e a tang ni korakai Etekia.

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

Taian Areru 119:106

I a tia ni kab'aka au taeka, ao N na kakoaua b'a N na tou mwin am Babaire aika raraoi.

Taian Areru 119:12

Te UEA, I neboiko; reireiai am Tua.

Taian Areru 25:4

Te UEA, Ko na kaoti arom nako iu; Ko na reireiai kawaim nako.

Taian Areru 27:11

Te UEA, reireiai te b'ai ae Ko tangiria b'a N na karaoia, ao kairiirai n te kawai ae e raoiroi, b'a a bati taan ribaai.

Taian Areru 32:5

I kaoti au bure nakoim, Ao I aki karabai au kairua; I kataua te kaoti taekaia nakoim, ao Ko kab'arai au bure ni kabane.

Taian Areru 38:18

I kaoti au bure; I raraoma iai.

Taian Areru 86:11

Te UEA, Ko na reireiai te bae Ko tangiria b'a N na karaoia, Ao N na ongeaba nakoim ma te kakaonimaki; Ko na reireiai b'a N na toro iroum ma te aki nano-tiotio.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.