Taian Areru 119:21 - Te B'aib'ara

²¹ Ko boaiia akana kainikatonga, a na reke kaiia, akana aki ongeaba nakon am Tua.

Taian Areru 119:21 ပူးပေါင်းရင်းမြစ်များ

Neemia 9:16

A aki ongotaeka ara bakatibu ake a taningabono a m'aninga taekan taian kakai ake ko a tia ni karaoi i bukiia, ao a iangoia b'a a na okira Aikubita ma ni manga riki naba b'a taian toro.

Neemia 9:29

Ko kauringiia b'a a na rairaki nakoim ao a na kunea te maiu ni koaua ngkana a ongotaeka nakon am tua nako. Ma a bon rangi n rawa ao a teimatoa ni kaakaraoa te bure.

Taian Areru 119:10

I kekeiaki n toro iroum ma nanou ni koaua; Kawakinai man riaoan am Tua.

Taian Areru 119:110

A kataia ni kam'aneai akana buakaka n aia b'ai ni kam'am'ane, Ma I a bon aki kitan am Taeka.

Taian Areru 119:118

Ko ribaia akana kitan am Tua; ao a aki bongana aia iango akana m'am'anaa te aba.

Taian Areru 119:78

Ke a mamaa akana kainikatonga, i bukina ngkai a bukinai n te aro ni kewe; Ma ngai, N na iaiangoi am Tua.

Taian Areru 138:6

Ko boni ngae ni mena i eta ike rietaata, ma Ko bon tabeakiniia naba akana nanorinano, Ao a aki kona n raba mairoum akana kainikatonga.

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Te Otinako 18:11

I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 42:24

E bubure Iteraera ao e rawa n ongotaeka iroun te UEA ke n aki iri ana babaaire. Ma ngaia are, e karaoia te UEA b'a a na iraeaki aia b'ai ni kabane.

Itaia 43:28

Ao bon anne bukina ngkai I aki kariaia ami ibonga b'a a na m'akuri ibuku; E na kamaunaaki Iteraera ao a na kamaamaaeaki ami aomata.

Ieremia 44:16

Ieremia ti bon aki tabe ngkana ko taetae n aran te UEA. Ti na bon aki kan ongo!

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Ruka 14:11

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ruka 18:14

Ao E taku Iesu, “I tuangngkami b'a e nako teuare te tia anai taekiti nakon ana auti ma raun nanona b'a a kab'araki ana bure, ma e aki reke aei iroun teuare te B'aritaio, b'a ane e karietata ao e na kamangoraki; ao ane e kamangoria ao e na karietataki.

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

Te Tua-Kaua 28:15

Kaain Iteraera, I anganingkami n te bong aei ana Tua ao Ana reirei te UEA ae Atuami. Ao ngkana kam aki ongotaeka nako iai, ao E na karokoa te rekenikai ae korakora i aomi.

Te Tua-Kaua 30:19

I wetea karawa ma aonnaba n te tai aei b'a taani kakoaua b'a I anganingkami nanomi n are kam kan rineia. Tera ngke kam rinea te UEA b'a E na anganingkami te tetekeraoi ma te maiu ae ab'ab'aki, b'a E kaawa n kab'aka te maraia i aomi ma n tiringingkami. Rinea te maiu.

Iakobo 4:6

Ma E kabatia te akoi n anga; ao anne bukin are e kaangai te B'aib'ara.” “E rawa nakoia akana kainikatonga te Atua; Ma E angania akana nanorinano te akoaki.”

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”