Taian Areru 119:174 - Te B'aib'ara

¹⁷⁴ Te UEA, I kainanoa am Kamaiu! I kakukureiaki n am Tua.

Taian Areru 119:174 ပူးပေါင်းရင်းမြစ်များ

Karikani B'aai 49:18

“I tataningaa am m'akuri ni kamaiu te UEA.

2.Tamuera 23:5

I a tia n tautaeka n te aro aei, ao E na bon aki kona n urua Ana berita nako iu. E a tab'anin raoi ana berita te Atua ao E aki konaa ni manga bitaki; E na bon teimatoa ni buokai ma n anganai te b'ai ae I kantaningaia.

Taian Areru 1:2

Ma kukurein nanona bon ana Tua te Atua; e waawarekia ma n iaiangoia ni ngaina ao ni bong.

Taian Areru 119:111

A riki am Taeka b'a au b'ai n aki toki; A kakukureia nanou.

Taian Areru 119:16

I kukurei n am Tua; N na aki m'anuoka am Taeka.

Taian Areru 119:162

I kim'areirei n am Taeka, n ai aron temanna ae reke i rouna baika rangi ni kakawaki.

Taian Areru 119:24

A kakukureiai am Taeka n reirei, ao a anganai naba taeka ni buobuoki.

Taian Areru 119:41

Te UEA, kaota nako iu m'aitin tangirau iroum, Ao kamaiuai, n ai aron am Taeka.

Taian Areru 119:47

I kakukureiaki n am Tua i bukina ngkai I tangiri.

Taian Areru 119:77

Nanoangaai, ao N na maiu: b'a bon au b'ai ni kukurei am Tua.

Taian Areru 119:81

I a kua n tataningaiko b'a Ko na kamaiuai; I mwiokoa am Taeka.

Taeka n Rabakau 13:12

Ko konaa ni kaaorakiko man aki reke ae ko tangiria, ma bon te aroka ae e anga te maiu am iango ae ko tangiria ae e korobukina.

Ana Anene Toromon 5:8

Ataeinainen Ierutarem, ngkana kam noora teuare I tangiria, ao I butingkami b'a kam na kaangai nakoina, “E a mamaara i bukin b'aruam.”

I-Biribi 1:23

Ma e katikaki nanou ni baika uoua, b'a I kan nako ni mena irouni Kristo; b'a moan te raoiroi aei.