Taian Areru 119:1 - Te B'aib'ara

¹ A kab'aia akana a moa n raoiroi aroia, akana ongeaba nakon ana Tua te UEA.

Taian Areru 119:1 ပူးပေါင်းရင်းမြစ်များ

2.Tamuera 22:22

I karaoa te b'ai are Ko tangiria ao I aki roko n te rairaki nakon karaoan te buakaka.

2.Uea 20:3

Tai m'aninga te UEA are I a tia ni kakaonimaki nakoim. I a tia n ongotaeka iroum ma nanou ni kabane, ao I karaoi b'aai ni kabane ake Ko tuangai. Ao i mwiin arei ao e a tang ni korakai Etekia.

Iobi 1:1

N ririki aika b'akanako, te aomata ae arana Iobi e maeka n te aba are Uti. Bon te aomata ae moan te raoiroi, ao e raarawa ni karaoa te m'akuri ae buakaka.

Iobi 1:8

Ao E a manga taku te Atua, “Ao ko nonora Au aomata are Iobi? Bon akea te aomata temanna n te aonnaba ae kakaonimaki man raoiroi riki nako ina. E tataromauriai, ao e kabanea korakora b'a e na aki karaoa te m'akuri ae buakaka teutana.”

Taian Areru 101:2

N na b'aina te aro ae moan te raoiroi: Ko na kawarai n ningai? N na b'aina te maiu ae itiaki i nanon au auti;

Taian Areru 101:6

N na tarataraia akana kakaonimaki i aon te aba, B'a a na maeka irou n au bareti. Ake a b'ab'aina te koaua ao ana riki b'a au tia m'akuri.

Taian Areru 112:1

Kam na takaruaea neboan te UEA! E kakab'aia aomata ni kabane te UEA, akana taromauriia ao ni kukurei n ongeaba nakon ana tua.

Taian Areru 128:1

A kab'aia akana karinea te UEA, akana karaoa nanona ni maiuia.

Taeka n Rabakau 11:20

E ribaia aomata aika a uaraoia aomata UEA, ma e tangiriia aomata nako akana a maiuakina te raoiroi.

Taeka n Rabakau 13:6

Maiu i nanon te koaua, ao kam na maiu! Ma e na uruana arom te bure.

Taeka n Rabakau 29:18

Ngkana akea ana kairiiri te Atua ao ane a na mauna nako tua ma kaetieti, ma e kakab'aiaia aomata nako aika a ongotaeka n ana tua.

Etekiera 11:20

ma au tua nako ma au taeka n reirei nako. Kam na riki b'a au aomata, ao N na riki b'a Atuami.

Otea 14:9

Ngkana kam wanawana, kam na ataa nanon te b'ai ae I nanonna. Bon te UEA Ngai, ao I kairingkami n te kawai ae e eti. Ti na kaai n nakonako ngkana kam ongotaeka Irou, ma e na toki waemi ngkana kam buakaka.

Ruka 1:6

Ao a b'aina te maiu ae raoiroi Takaaria ma Nei Eritabeta i matan te Atua n aroia n tou mwin ana tua ma ana moti nako te Uea n aki bubure iai.

Ruka 11:28

Ao Ngaia E kangai, “Te koaua, ma a kab'aia riki akana ongo ana taeka te Atua ao a kawakinna!”

Ioane 1:47

Ngke E nora Natanaera Iesu b'a e nakoina, ao aikai ana taeka i bukina, “Noria, bon te Iteraera ni koaua ae b'ab'aina te eti!”

Ioane 13:17

Ngkana kam atai baikai, ao kam a kab'aia ngkana kam karaoi.

M'akuri 24:16

Ao ngaia aei ae I kakorakoraai iai b'a N na aki toki ni b'aina te nano ae itiaki i matan te Atua ao i mataia aomata.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

Iakobo 1:25

Ma ane taratara te tua are moanibaan te raoiroi, are tuan te inaomata, n teimatoa iai, ngkai tiaki te aomata ngaia are e ongo ao i mwina e m'aninga, ma te aomata are karaoa nanon te baere e ongo, ao e na kakab'aiaki n are e na karaoia.

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.