Taian Areru 118:24 - Te B'aib'ara

²⁴ Aio bongin ana tokanikai te UEA! ti na kukurei, ao ti na kakatonga n te bong aei

Taian Areru 118:24 ပူးပေါင်းရင်းမြစ်များ

1.Uea 8:66

Ao n te kawani bong, e a kanakoia aomata ni kabane nakoni mwengaia. A bane ni kabo, ao a nako ma te kukurei i bukini b'ai aika a raraoi aika E a tia ni karaoi te UEA i bukin ana Toro are Tawita ao aomatan Iteraera.

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Taian Areru 84:10

E raoiroi riki te bong ae ti te bongina ni mena i nanon am Tembora nakon tengaa te bong ni mena n te tabo teuana. E raoiroi riki irou te tei n tantani i rarikini mataroan te kawai n rin nakon ana auti Atuau, Nakon te maeka ni mwengaia akana buakaka.

Itaia 58:13

Ma i m'aain anne, kam na riai moa ni karinea te Taabati ae kaanga ai aron kakukurein te bong n taromauri. Kam riai ni katoka karaoan ao tataekinan te b'ai ae kam tangiria ni karaoia n te bong ae e rine aei.

Tekaria 3:9

Iotua, I a tia ni kaaki i matam te atiibu ae itiua iterana. N na korei b'aai tabeua i aon te atiibu anne, N na kab'araa ana bure te kaawa ae e on te bure aei n te bong ae ti teuana.

M'akuri 20:7

Ngke ti botaki n am'arake n i raorao ni moani bongin te wiiki are te moa ni bong, ao e anga ana taeka n reirei B'auro i bukina ngke e nangi nako n te ingabong; ao e waaki n taetae ni karokoa e nukanibong.

Te Kaotioti 1:10

I mena i aani m'aakan ana kairiri te Tamnei are Raoiroi n ana bong te Uea, ao I ongo te b'ana ae korakora, mai akuu, ae kanga tangin te bu,