Taian Areru 118:12 - Te B'aib'ara

¹² A otab'aniniai n ai aroia manibeeru, ma a waekoa n toki eeia ni bane; ngkai E buokai te UEA n ekianako nako ni m'akana.

Taian Areru 118:12 ပူးပေါင်းရင်းမြစ်များ

2.Tamuera 23:6

Ma a rebenako aomata aika a buakaka kaanga ingin kaai aika a kateketeke. A aki konaa n tauaki n te bai,

Taian Areru 20:1

E na buokiko te UEA ngkana ko reke n te kaangaanga! E na kamanoko Atuan Iakob'a!

Taian Areru 20:5

Ao ti na takaakaa ni kim'areirei i bukin am tokanikai; ao ti na kamoamoaa te Atua ni katioan am maniua n tokanikai. E na kaekai am bubuti ni kabane te UEA.

Taian Areru 58:9

A tiringaki kanga ai aroia uteute, n akea ataakina irouia mai m'aina: E na ukia nako te Atua ni korakoran unna ngkai a boni maiu.

Taian Areru 8:9

Te UEA, ae ara Tia Tautaeka, e rangi n tikiraoi aram ni kabutaa te aonnaba!

Te Minita 7:6

Kangare aika a bubuaka bon te m'akuri n nanoroo. Kaanga ai aron tangin kaai aika iai ingiia ngkana a toorara i nanon te ai.

Itaia 27:4

E a toki uniu. Ma N na m'ananga ni buakanna ma ni kabuokia ni kamannangnga ngkana e kariki uaana aika a kateketeke.

Itaia 33:12

Ko na kauraaki ni karokoa ko mannang kaanga kaai aika a kateketeke i nanon te ai.

Naum 1:10

Ngkami aika kam mamanging, kam na kabuokaki n ai aron uteute aika a kateketeke, aika a m'auteretere.

Te Tua-Kaua 1:44

Ma ngke a buakaningkami kaain Amora man aaba ake a tabukibuki man aia kaawa, ao kam birinako mairouia kaanga ai aron ae kam birinako mairouia te taanga ni manibeeru. Ao a kakioia ami taanga ni buaka kaain Amora nako Teira ni karokoa Orema, ao a tiringiia i nanon aia tai ni kakioia.

1.Tamuera 17:45

Ao e taku Tawita: Ao ngkoe, ko nakomai b'a ko na un ma ngai n te kabaang ma te kainiwai ma te biti ae uaitera wiina. Ma ngai, I nako im b'a n na un ma ngkoe n aran te UEA ae Moan te M'aaka. Bon Atuan aia taanga ni buaka Iteraera, ae ko a tia ni b'ainingareia naba!