Taian Areru 116:14 - Te B'aib'ara

¹⁴ N aia tai ni bootaki ae ab'ab'aki ana Aomata, ao N na kakoro bukini baike I a tia n atong ake au taeka ni bau b'a N na karaoi.

Taian Areru 116:14 ပူးပေါင်းရင်းမြစ်များ

Taian Areru 116:18

N na kakoro bukini baike I a tia n atong n au taeka ni bau nakon te UEA ngkana a bootaki am aomata

Taian Areru 22:25

N tain te bootaki ae ab'ab'aki, ao N na neboiko i bukini baike Ko a tia ni karaoi. N na anga i mataia aomata aika taromauriko karea ake I a tia n taku b'a N anga;

Taian Areru 22:26

A na am'arake ni katoki nanoia akana akea aia b'ai; Ao a na kamoamoa te UEA akana kawaria. A bia anganaki kukurein nanoia n aki toki.

Taian Areru 50:14

E na riki ami katituaraoi b'a ami karea nakon te Atua, Ao kam na kakoro bukin ami taeka ni bau nakon Teuare Moan te Rietaata.

Taian Areru 56:12

Te Atua, I bae n au taeka ni bau nakoim: N na anganiko au katituaraoi b'a au karea,

Taian Areru 65:2

i bukina ngkai Ko kaekai tataro. A na bane n roko nakoim aomata man taabo nako

Iona 1:16

Ao a maaka te UEA kaimoa ao a anga karea nakoina, ao n tuea b'a ana m'akuri i bukina.

Iona 2:9

Ma N na anenea kamoamoam; N na anga karea nakoim. N na karaoa are I a tia n taetae n tuea iai. Bon mairoun te UEA te maiu!

Naum 1:15

Noria, e ri aon maunga n nakomai te tia uarongorongo, ma te rongorongo ae e raoiroi! I aon kawaina n taekina te tokanikai! Kaain Iuta, karaoi ami toa, ao angan te Atua baike kam a tia ni berita iai nakoina. A na aki konaa ni manga eweka abam aomata aika a buakaka. A tia ni bane ni kamaunaaki.

Mataio 5:33

“Kam ongo naba b'a e atongaki nakoia ami bakatibu, ‘Tai urua am taeka ni bau, ma ko na karaoi b'aai ake ko taetae ni bau iai nakon te Uea b'a ko na karaoi.’