Taian Areru 115:4 - Te B'aib'ara

⁴ A karaoaki atuaia man tirewa ma koora irouia aomata.

Taian Areru 115:4 ပူးပေါင်းရင်းမြစ်များ

1.Uea 18:26

Ao a rinea aia kaom'aane ana burabeti B'aara ao a katauraoia, ao a tataro nakoni B'aara ni kabanea te ingabong arei ni butiia b'a e na kauraa ain aia karea. A ruruoia ni katobibia aia baonikarea ao a tatakarua ni kaangai, “Kaekaira B'aara!” Ma bon akea kaekaakiia.

1.Uea 18:29

ao ai bon aroia naba anne ni karokoa e a b'akataai. Ma bon akea naba te kaeka teutana nakoia.

2.Uea 19:18

A urui taiani bouananti ake taiani kai ao taian atiibu ake a karaoi aomatan taian botannaomata aikai man taromaurii.

2.Rongorongo 32:19

A taekina naba te UEA ae te Atua taian mataniwi akekei b'a kaanga ai aron te anti n aki akaaka ke te bouannanti ae e karaoaki iroun te aomata.

Taian Areru 97:7

A na bane ni kamaamaaeaki akana taromauri bouannanti; Akana kainikatonga i bukiia antiia aika bouananti; A bane anti ni bobaraaki n taromauria te UEA.

Itaia 37:19

A tia n urui taian bouannanti aika taiani kai ma atiibu ake a tia ni karaoi ao n tataromauri iai botannaomata aikai.

Itaia 42:17

A na bane aomata aika a taromauriia taian bouannanti b'a kaanga antiia ni kamamaaeaki n ae moan te korakora.

Itaia 44:10

E aera ngkai kam karaoa te bouannanti ke bannan te b'ai teuana ae e aki konaa ni karaoa te b'ai teuana?

Itaia 44:20

E kaanga te aomata n akea kanoan ana iango n taromauria te b'ai ae e konaa ni kabuokaki ni kamannangaki? Bon akea ae e konaa ni kamaiuia n aron anne. A bon aki ataia b'a te bouannanti are a taui i nanoni baiia bon tiaki taian atua ni koaua?

Itaia 44:9

Bon akea manenaia aomata aika a kaakaraoi taian bouannanti, ao taian bouannanti aika a kariki b'a kaub'aia boni baika a akea maneia. A matakii, akea kanoan aia iango, ao a baba taan taromauri taian bouannanti.

Taniera 3:5

Kam na ongora tangin taiani bu, aika a rimwiaki n tangin te bikura, ma te raea, ma te tita, ma te aabi, ao te bikura; ma taiani b'ai ni katangitang riki tabeua. Ao n te tai naba are kam ongo iai tangin b'aai akanne, ao kam na bane ni bobaraaki n taromauriia te bouananti te koora are e a tia ni kateia te uea are Nebukaneta.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Otea 8:6

Iai temanna mai Iteraera ae e karaoa te bouannanti anne i bukimi, ma bon te ti te Atua Ngai. Ai ngaia are, e na kamaaenikunaki n aki akaaka.

M'akuri 19:26

Ao kam noria, ao kam ongo, b'a tiaki ti i Ebeto ae e kairoroia ma n anai nanoia iai aomata teuare B'auro, ma e kuri ni kabuta aon Atia, n taku b'a tiaki atua baika karaoaki ni baiia aomata.

M'akuri 19:35

Ngke e a tia ni katoki karongoaaia aomata te tia koroboki n te kaawa, ao e taku, Mm'aane aika I-Ebeto, antai te aomata ae aki ata te kaawa ae Ebeto b'a ngaia te tia kawakina um'antabun Nei Aritemito are kakannato, ma te b'ai are b'aka mai karawa?

Te Tua-Kaua 4:28

Ao ikanne, ike kam na rairaki iai n taromauria iai taian atua aika karaoaki man te kai ao te atiibu, ao bon tiaki oini b'ai baikai b'a bon ti taian bouananti aika a aki noraaba ke ni kakauongo, ke n aroboi.