Taian Areru 115:16 - Te B'aib'ara

¹⁶ Ana b'ai karawa te UEA n ti Ngaia, ma E anga aonnaba nakoia aomata.

Taian Areru 115:16 ပူးပေါင်းရင်းမြစ်များ

Taian Areru 144:5

Te UEA, Ko na raeua karawa ni kaukia ao ruo; Ko na riingi maunga, ao a na tii nako taiani bubu mai iai.

Taian Areru 148:4

Ngkami karawa akana kabanea n ririeta, kam na kamoamoaa, Ao ngkami naba raan akana i etani karawa.

Taian Areru 8:6

Ko rineia b'a a na tautaekan am B'ai ni kabane aika Ko a tia ni karaoi. Ko katokaia i aon am Karikib'ai nako:

Taian Areru 89:11

Am B'ai karawa ma aon te aba; Ko karaoa aonnaba ma b'aai ni kabane ake iai.

Taian Areru 89:12

Ko kariki aaba nako i aang ao nako aiaki; A anene ni kim'areirei nakoim Tabora ma Oman.

Itaia 45:18

Bon ti te UEA te Atua! E karikii taiani karawa ao e karaoa te aonnaba ike a maeka iai aomata, ao e aki karaoa te rereua ae akea kanoana. Bon ti te UEA te Atua; bon akea riki atua tem'angina.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

B'aeb'aeti 3:66

Kauna nanom irouia ao rimwiia ni karokoa a reke iroum m'anekaia i aan taiani karawa.

Ioane 14:2

E m'awawa nanon ana auti Tamau i bukin te maeka; ma ngke arona b'a akea, ao e koaua b'a N na tuangngkami ae N na nako ni katauraoi nnemi i m'aimi?

Te Tua-Kaua 10:14

Ana b'ai te UEA ae Atuami b'aai ni kabane, tiaki ti Ana b'ai te aonnaba ma kanoana ni kabane, ma bon Ana b'ai naba eta ma taiani karawa ake kabanea n rietaata.

Te Tua-Kaua 32:8

b'a E anga te aba te UEA ae Moan te M'aaka nakoia botannaomata ni kabane ao E anga nako ia botannaomata anera n tatabemaniia nako ake a tia n tantani,