Taian Areru 114:2 - Te B'aib'ara

² E karika Iuta b'a ana tabo ae tabu ao e tautaeka i aon Iteraera.

Taian Areru 114:2 ပူးပေါင်းရင်းမြစ်များ

Te Otinako 15:17

Ko uotiia ni kariniia, ao Ko unikia i aon te maunga, te tabo ike Ko a tia n rineia te UEA i bukin Am auti, te Tembora are Ko boni kateia.

Te Otinako 25:8

I tangiria naba ni karaoa te tabo ae e onoti are I konaa ni maeka iai i buakoia au aomata.

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Nakoaia Ibonga 11:45

Boni Ngai te UEA ae I kaotinakoingkami mai Aikubita, b'a I aonga n riki b'a Atuami. Kam na riai n tabuingkami b'a I tabu.

Te Tua-Kaua 23:14

Kam na kaitiaka ami maeka man b'aai aika kam'araa ao ma ni b'aai aika ribaaki. E memena te UEA n ami maeka n taai nako, n tatauraoi ni kamaiungkami ma n anganingkami te tokanikai i aoia ami kairiribai, ma ngkana E noora te b'ai ae kam'araa i nanon ami maeka, ao E na bae rairaki ma ni kitana te tabo anne.

Te Tua-Kaua 27:12

Ngkana kam a tia n ri nanon te Karaanga are te Ioretan, ao kam na nakon te Maunga are Keritim ao te Maunga are Eeb'ara. A na nako aon te Maunga are Keritim baronga aika Timeon, Rewi, Iuta, Itaakara, Eberaim, Manate, ao te baronga are Beniamin, ike a na kakab'aiaia iai Iteraera. Ao baronga ake Reuben, Kaata, Atera, Teburun, Taan, ao Nabetari a na waerakea te Maunga are Eeb'ara ao a na taetae ni katekebuaka mai iai.

Te Tua-Kaua 27:9

Ao e tei Moote ma taian ibonga ao n taetae ni kaangai, “Kaain Iteraera, tai karongoa ao ongora irou! Kam a riki b'a ana Aomata te UEA ae Atuami n te bong aei.

Te Tua-Kaua 7:6

Iteraera, bon ana Aomata te UEA ae Atuami ngkami aika kam rineaki. A rangi ni m'aiti botannaomata n te aonnaba aei, ma E ti rinea Iteraera b'a ana Aomata aika bon Ana b'ai.

Te Kaotioti 21:3

Ao I ongo te b'ana man te kaintokanuea b'a e kaangai, “Noria, e mena ana um'anrianna te Atua irouia aomata! E na maeka i rouia, ao a na riki b'a ana botannaomata; ao te Atua E na memena i rouia.