Taian Areru 113:3 - Te B'aib'ara

³ Kam na neboa aran te UEA man otin taai ni karokoa bungina!

Taian Areru 113:3 ပူးပေါင်းရင်းမြစ်များ

Taian Areru 18:3

I wetea te UEA, ae ana b'ai te neboaki, b'a E kamaiuai mairouia taan ribaai.

Taian Areru 48:10

Aron aram ngkae e ataaki n taabo nako, Ao ai aron naba katituaraoam ni buta nako i aonnaba ni bane, ngkai a reke am Tokanikai ni m'aakam.

Taian Areru 50:1

E taetae Teuare M'aaka, ae te Atua ae te UEA; E weteia aomata nako i aonnaba mai tabona nako tabona.

Taian Areru 72:11

Ane a na bane uea ni bobaraaki i matana ni karinea; Ao ane a na bane n toro i rouna botannaomata.

Taian Areru 86:9

Ane a na bane n roko ni bobaraaki nako Im botannaomata nako ake Ko a tia ni karikiia; Ane a na kamoamoaa aram.

Itaia 24:16

E na ongo te aba taian anene n nebo i bukin ana motikitaeka ae eti te Atua. Ma e rangi ni korakora ma n aki rau n te rawaawata n nano. Bon iai ae e konaa n onimakinaki? Bon angiina taani kewe!

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Ab'akuka 2:14

Ao e na onrake te aonnaba n ataakin mimitongin te UEA n ai aron taari ae e kaona marawa.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”